Horoskopi
Peshqit
Peshqit 21 August - 2018
Horoskopi Ditor 16 August - 2018
  • Puna

    Kaloni një ditë pa menduar për punën    

  • Shendeti

    Bëni një sy gjumë gjatë ditës

  • Dashuria

    Po e teproni me argëtim

Horoskopi Mujor August
  • Puna

    I keni të gjitha kushtet që të gjeni një punë të mirë nëse akoma nuk e keni gjetur një të tillë ose do të vendosni për ndonjë punë plotësuese nëse tashmë jeni në marrëdhënie pune. Bashkëpunimi me Gaforren do të mund të ketë rëndësi të madhe, posaçërisht kur është fjala për paratë. Dashi ju jep forcë dhe energji. Punë kreative kërkoni me Peshoren, Akrepin apo Bricjapin.

  • Shendeti

    Me siguri më shumë kohë kaloni duke pushuar.

  • Dashuria

    Po ndiheni mirë në këtë periudhë të ditëve dhe netëve të nxehta. Pjesëtarët e lirë të kësaj shenje kryesisht janë të orientuar në lidhje të shkurtra dhe të shpejta seksuale, ndërsa ata të cilët janë në lidhje mund të jenë në ndonjë fazë monotonie. Do të ishte mirë që lidhjen ta freskoni me ndonjë udhëtim apo me ndonjë piknik të shkurtër. Peshqit të cilët janë të martuar kanë periudhë të shkëlqyeshme ku mund të rrisin dashurinë dhe të zgjojnë ndjenjat ndaj njëri-tjetrit.

Horoskopi Vjetor 2018
  • Puna

    Fillimi i vitit 2018 do t’ju sjellë mundësinë e suksesit nëpërmjet udhëtimeve dhe bashkëpunimit me partnerët nga bota e jashtme. Do të keni dobi edhe nga bashkëpunimi me institucionet arsimore. Gjatë prillit dhe majit do të negocioni marrëveshje të suksesshme rreth detyrave dhe projekteve të ardhshme afariste. Ju presin suksese në sferën e tregtisë. Nga mesi i majit Urani hyn në sferën tuaj të komunikimit, gjë që ju sjell gjasa të papritura që të filloni bashkëpunim dhe partneritet të ri, mirëpo ju sjell edhe sfida të reja në sferën e informacioneve, tregtisë dhe komunikacionit. Nga fundi i qershorit deri në fund të gushtit Marsi do të jetë retrograd në sferën tuaj të sekreteve, prandaj do t’ju ndodhin intriga dhe pakënaqësi në sferën e konkurrencës. Gjatë korrikut do të arrini të forconi marrëdhëniet me partnerët afaristë, do të realizoni sukses në sferën publike dhe do të përtërini bashkëpunimin me ndërmarrjet dhe individët, të cilët në të kaluarën janë treguar besnikë. Bashkëpunimi me botën e jashtme do të jetë i vështirësuar në tetor për shkak të Venerës retrograde. Në fillim të nëntorit Jupiteri hyn në shenjën e Shigjetarit dhe në sferën tuaj të punës dhe karrierës dhe ju hap mundësi për përparim në karrierë. Në vitin e ri do të hyni me rrjedhje financiare të qëndrueshme. Me fillimin e pranverës do të keni vështirësi lidhur me marrëveshjen mbi ndarjen e të ardhurave me bashkëpunëtorët, gjë që do t’ju vështirësojë investimet e reja dhe do të sjellë minus në llogarinë tuaj derisa të arrini sukses në zgjidhjen e përbashkët të pranueshme. Nga fundi i qershorit deri në fund të gushtit Marsi, i cili sundon sferën tuaj të parave, do të jetë retrograd, gjë që do të zvogëlojë rrjedhjen e parave në llogarinë tuaj dhe do t’ju detyrojë të angazhoheni rreth arkëtimit të kërkesave dhe zvogëlimit të borxheve. Shmangni kanalet sekrete për rrjedhje të parave. Nga shtatori do të filloni të realizoni fitime, ndërkaq nga nëntori do të arrini të shtoni të ardhurat dhe do t’i realizoni planet financiare të cilat më parë i keni planifikuar. Peshqit e papunësuar do të kenë mundësi të punësohen në profesionin e tyre gjatë marsit, qershorit, shtatorit dhe nëntorit. Gjatë korrikut dhe gushtit do të kenë më së paku shanse për punë të re.  

  • Shendeti

    Lehtë është që të ndiheni mirë kur në jetë gjërat ju ecin në mënyrën e duhur! Pas punës së lodhshme të cilën e keni bërë, keni merituar mirënjohje. Mirëpo, mos lejoni që vetëm t’u dorëzoheni kënaqësive. Patjetër duhet t’i kushtoni kujdes mënyrës së drejtë të jetës në mënyrë që të mos rrezikoni shëndetin tuaj. Me gjithë suksesin të cilin do ta arrini në fillim të vitit, bëhuni i matur në çdo gjë. Kjo do të jetë fjalia kryesore nëse dëshironi të jeni të shëndetshëm në vitin 2018.

  • Dashuria

    Nëse jeni në lidhje: Partneri juaj dhe ju do të filloni vitin e ri me optimizëm. Bashkërisht do të udhëtoni për piknikë në botën e jashtme dhe do të shoqëroheni me miq të përbashkët. Nga fundi i marsit dhe deri në mesin e prillit do të hasni në mospajtime dhe mosmarrëveshje për shkak të Merkurit retrograd. Përpiquni të përmirësoni komunikimin reciprok. Në maj do të gjeni interesime të reja të përbashkëta. Gjatë korrikut dhe gushtit shmangni sekretet dhe josinqeritetin, sepse do të mund të shkaktoni konflikte dhe turbulenca në lidhjen dashurore. Gjatë shtatorit do të krijoni harmoninë e dëshiruar dhe do ta përkrahni njëri-tjetrin. Në pjesën e dytë të nëntorit do të jetë e nevojshme që të punoni më shumë në marrëveshjet lidhur me qëllimet dhe dëshirat e përbashkëta, sepse do të ballafaqoheni me mospajtime. Do të jetë i rëndësishëm kompromisi.   Nëse jeni të lirë: Do të kërkoni personin i cili ka qëllime të ngjashme në jetë si edhe ju. Do t’ju jetë me rëndësi që me atë person të mund të ndani idetë dhe planet tuaja dhe të kuptoheni mirë, të keni komunikim të harmonishëm dhe harmoni në krevat. Do t’ju jetë e nevojshme që të angazhoheni, të takoheni dhe të njihni njerëz të rinj në mënyrë që të lidheni dikë i cili u përshtatet kritereve tuaja. Shanse më të mëdha për njohje do të keni në shtator. Shpejt paskëtaj do të hyni në lidhje e cila do të jetë mu ajo që kaherë e keni dëshiruar. Peshqit pak më të vjetër do të dëshirojnë të përtërijnë lidhjen me personin me të cilin janë ndjerë të lumtur në të kaluarën. Sërish do të vendosni kontakt me atë person në prill. Në fillim gjërat do të ecin vështirë, mirëpo megjithatë do të arrini të realizoni dëshirën tuaj në pjesën e dytë të gushtit.