Horoskopi
Luani
Luani 17 October - 2018
Horoskopi Ditor 10 October - 2018
  • Puna

    Keni durim dhe pritni derisa të krijohen rrethanat për ta bërë lëvizjen tuaj.    

  • Shendeti

    Depresioni është sëmundje serioze, nëse dyshoni se vuani nga kjo sëmundje, urgjent kontaktoni me doktorin.

  • Dashuria

    Sot jo vetëm se mund të takoheni me një shok/shoqe të mirë, por edhe me një partner/e potencial.

Horoskopi Mujor October
  • Puna

    Është rast ideal që tani të gjitha planet dhe projektet e filluara t’i përfundoni, sepse rezultatet do të jenë të mira. Është me rëndësi që të mos i lini për më vonë obligimet dhe të mos  zvarrisni, por ta shfrytëzoni këtë periudhë të volitshme. Edhe financat do të jenë më të mira se në periudhën e kaluar. Është rast i mirë edhe për investime, nëse keni mundësi dhe ide për to.

  • Shendeti

    Një pushim i mirë do t’ju ndihmojë që të përballeni me periudhën sfiduese dhe aktive që e cila është para jush.

  • Dashuria

    Luanët që janë në lidhje i presin  probleme të vogla, komunikimet e këqija dhe grindjet. Do të keni keqkuptime për partnerin, mungesë durimi dhe emocionesh. Është me rëndësi që të ndaleni dhe të shmangni reagimet e vrullshme dhe ta dëgjoni partnerin dhe të gjeni edhe kohë edhe mirëkuptim për të. Përpiquni që t’i ringjallni emocionet ndaj partnerit të cilat për një kohë të shkurtër i keni lënë pas dore, sepse mund të ndodhë që në këtë periudhë disa veprime të gabuara t’ju çojnë të merrni vendime për të cilat më vonë mund të pendoheni. Pjesëtarët e lirë të kësaj shenje duhet të kujdesen në zgjedhjen e partnerit. Dëgjoni intuitën tuaj.

Horoskopi Vjetor 2018
  • Puna

    Fillimi i vitit 2018 ju është i përshtatshëm të përmirësoni marrëdhëniet me kolegët e punës dhe me personat vartës në punë. Do të zgjeroni ofertën e shërbimeve tuaja. Me vështirësi do të përballeni në sferën publike dhe në marrëdhëniet me partnerët afaristë. Do të jetë e domosdoshme që të bëni kompromise në ato gjëra ku do të hasni në mospajtime në punët e përbashkëta. Projekte të reja do të nisni në prill, mirëpo do të përballeni me situatë jostabile dhe do të zgjidhni shumë gjëra të imëta. Është e nevojshme të perfeksiononi shkathtësitë tuaja. Më 15 maj Urani do të hyjë në shenjën e Demit dhe në sferën tuaj të punës dhe të karrierës, gjë që do t’ju sjellë sfida të reja, situata të papritura dhe përkufizime të reja. Me këto sfida do të mund të përballeni me sukses nëpërmjet punës ekipore dhe me përpjekje që të organizoheni më mirë në marrëdhëniet me bashkëpunëtorët. Venera e cila sundon sferën tuaj të punës dhe të karrierës do të jetë retrograde gjatë tetorit deri në mesin e nëntorit dhe do t’ju ngadalësojë në realizimin e detyrave të punës. Deri në fund të vitit do të përmirësoni pozicionet tuaja dhe do të arrini sukses në sferën publike. Do t’i kushtoni më shumë rëndësi azhurnimit në pjesën e punëve administrative. Në fillim të vitit do t’ju shoqërojnë rrethana të lumtura në sferën e parave të cilat do t’ju ndihmojnë që të shtoni saldon në llogarinë tuaj. Fitime të konsiderueshme janë të mundshme në mars kur Dielli, sunduesi juaj, do të bëjë trigon me Jupiterin. Mund të përfitoni nëpërmjet investimeve në patundshmëri. Nga prilli deri në maj do të përballeni me situatë jostabile në sferën e parave. Qershori ju sjell mundësi të fitimeve të mëdha nëpërmjet planeve sekrete, gjë që do t’ju mundësojnë rrjedhje stabile të financave nëse do të mundë t’i shfrytëzoni favoret të cilat do t’i keni në dispozicion. Në shtator shmangni punët e dyshimta me paratë dhe me rrjedhat jolegale të parave. Merkuri i cili sundon sferën tuaj të parave nga fundi i vitit do të jetë i dobët dhe retrograd, gjë që ju paralajmëron që t’i rregulloni shpenzimet. Luanët e papunësuar do të dinë të tërheqin vëmendjen e opinionit me projektet e tyre, gjë që mund t’u sjellin punë të përhershme. Periudhat e përshtatshme i kanë gjatë marsit, qershorit dhe gushtit.

  • Shendeti

    Vitalë dhe të fuqishëm, do të kenë shëndet të shkëlqyeshëm. Hani ushqim të shëndetshëm, ushtroni ose sa më shumë relaksohuni. Pushimi është në vend të parë në vitin 2018. Do të ndodhin aq ngjarje sa që do të jeni para sfidave që të hiqni dorë nga pushimi dhe ushtrimet, mirëpo kur të veproni kështu, do t’i ndieni efektet. Mbani në mend që për shëndetin më e rëndësishmja është maturia në gjithçka.

  • Dashuria

    Nëse leni në lidhje: Në tremujorin e parë do të kaloni më shumë kohë me partnerin në realizimin e planeve të përbashkëta. Do të jeni të angazhuar edhe rreth familjes, posaçërisht gjatë marsit. Në tremujorin e dytë do të dini t’i bëni surprizë personit të dashur me ide interesante për argëtim të përbashkët. Më shpesh do të dilni bashkë, do të udhëtoni kurdo që t’ju jepet mundësia. Nga fundi i qershorit deri në fund të gushtit Marsi do të jetë retrograd në sferën tuaj të dashurisë. Ajo është koha kur do të jetë e nevojshme të zgjidhni mospajtimet të cilat një kohë të gjatë i keni shmangur. Nga shtatori deri në nëntor do të arrini që lidhjen tuaj ta përmirësoni dhe do ta ndryshoni në mënyrë cilësore qasjen tuaj ndaj partnerit. Gjithashtu do të realizoni harmoni më të mirë dhe afërsi të nevojshme në marrëdhënie me partnerin.   Nëse jeni të lirë: Dëshironi të dukeni joshës, andaj edhe në vitin 2018 do të dini që të rregulloheni mirë, që të theksoni pamjen tuaj dhe që të joshni të tjerët kudo që të shfaqeni. Do të filloni aventura dashurore me lehtësi ose paraprakisht me kujdes do të zgjidhni personat të cilët ju përshtaten për lidhje të shkurtra. Gjatë periudhës verore do të njihni një person me të cilin do të keni joshje reciproke shumë të fuqishme. Do të fillohet si aventurë, mirëpo deri në fund të vitit do të shndërrohet në lidhje serioze. Do të jeni të magjepsur me partnerin. Luanët pak më të vjetër do të përpiqen që fillojnë lidhje e cila do të jetë stabile dhe në shtigje të gjata. Problemi është që vështirë do të takojnë kandidatë potencialë. Gjasa të volitshme që përfundimisht të fillojnë lidhjen e dëshiruar do t’u ofrohen nga mesi i nëntorit.