Hazard: Chelsea do të luftojë deri në fund për katërshe

Eden Hazard e ka quajtur “luftë të vështirë” garën për të përfunduar në katërshe të Ligës Premier, por insiston se Chelsea do të luftojë deri në fund të sezonit.

Blutë morën një fitore të vështirë me rezultat 2-1 ndaj Fulhamit të dielën në udhëtim.

Me këtë fitore, Blutë fituan terren ndaj Arsenalit duke iu afruar në vetëm një pikë pas barazimit 1-1 të tyre me Tottenhamin në Wembley të shtunën.

Lexo po ashtu Chelsea fiton në udhëtim te Fulhami

Skuadra e Maurizio Sarrit tani është vetëm dy pikë prapa nga Manchester Unitedi i vendit të katërt dhe synimi është kjo pozitë.

Ekipi londinez ka edhe nga në ndeshje me Djajtë e Kuq dhe Topçinjtë dhe Hazard ka thënë se do të luftojnë deri në fund për këtë pozitë.

“Ne biseduam së bashku në dhomën e veshjes për ndeshjen Arsenal- Tottenham. Të dy ekipet humbën nga dy pikë”, ka thënë fillimisht Hazard për Chelsea TV.

Lexo po ashtu Melchiot: Taktikat e Sarrit po e detyrojnë Hazardin e Kanten të largohen nga Chelsea    

“Top katërshja është një luftë e vështirë, sepse nuk jemi vetëm katër skuadra, ne jemi gjashtë skuadra që luftojmë”.

“Tani kemi 11 ndeshje për të luajtur deri në fund të sezonit. Do të përpiqemi të marrim pikët maksimale”, përfundoi ylli belg. /Telegrafi/