Haxhiu: Thaçi dukej në siklet të madh, i dridhej zëri

Ministrja në detyrë e Drejtësisë Albulena Haxhiu ka reaguar pas deklarimeve të presidentit Hashim Thaçi rreth vendndodhjes së kreut të AKR-së, Behgjet Pacolli.

Përmes një postimi në Facebook, Haxhiu, ka ironizuar me kreun e vendit duke thënë se presidenti i vendit dukej në siklet të madh.

“Thaçi dukej në siklet të madh, edhe kërcënimin e bëri me zë të dridhur!”, ka shkruar Haxhiu.

Ushtruesi i detyrës së ministrit të Brendshëm, Xhelal Sveçla ka paralajmëruar sot arrestimin e Pacollit nëse ai ka hyrë ilegalisht në Kosovë, në kohën kur pritet të formohet qeveria e re.

Sveçla i bëri thirrje Pacollit të tregojë vendndodhjen e tij.

Pas kësaj, erdhi reagimi i presidentit Thaçi, i cili në një bisedë telefonike në emisionin Debat Plus në Dukagjin i ka quajtur shpifje ordinere, kërcënim dhe shantazh se Pacolli është futur me të në Kosovë.

“Nëse u intereson Sveçlës dhe Kurtit lokacioni im, unë jam në shtëpi. U bëj thirrje atyre të mos krijojnë konfuzion, shpifje dhe marrëzira dhe të mos kërcënojnë njerëz të politikës e as deputetë, e në këtë rast as zotin Pacolli.

Lexo po ashtu Presidenti Thaçi reagon ashpër: Sveçla le ta merr Kurtin, i pres në shtëpi

Thaçi ka thënë se Sveçla “mos t’ia mësyjë i vetëm shtëpisë së tij, por le ta merr edhe Kurtin”.

“Për ministrin dhe shefin e tij, dhe gjithë ndërmarrjen kriminale të tyre u them se lokacioni im është në shtëpi”, ka thënë ai./Telegrafi/