Hapja e flamurit shqiptar në Marseille, hyn në rekordin ‘Guinness’

Ndeshja kundër Francës do të zhvillohet në një atmosferë elektrizuese pasi tifozët shqiptarë kanë ideuar të shpalosin flamurin më të madh të hapur ndonjëherë.

Flamuri gjigant pritet të hyjë në rekordin ‘Guinness’ pasi do të jetë 3 herë më i madh se flamuri i cili u hap në ‘Qemal Stafa’ në vitin 2005 kundër Ukrainës.

Ky flamur është më i madh se tribuna e stadiumit dhe për këtë arsye nuk do të shpaloset në stadium por në një pikë strategjike të Marsejës, shkruan Syri.net.

Përmasa e Flamurit do jetë plot 10.500 m2, 150 metra i gjatë dhe 70 metra i gjerë e cila përllogaritet se ka kushtuar rreth 15 mijë euro.

Flamuri Gjigant do të hapet në qytetin e Marsejës po në ditën që Kombëtarja Shqiptare do përballet me “gjelat” e Francës, 15 qershor.

Lejen për paraqitjen e tij tifozët tashmë e kanë marrë nga shteti francez, ndërsa të angazhuar në shpalosjen e flamurit do të jenë mbi 500 persona.

Ideja e Rinor Sllovës nga Dibra e madhe, ka gjetur mjaftë përkrahje nga individit të ndryshëm si dhe nga tifo grupi shqiptar “Tifozat kuq e zi” që në mënyrë vullnetare po punojnë në realizimin e projektit.

https://www.youtube.com/watch?v=M6deF9ERekE