Ministri i Kulturës, Rinisë dhe Sportit, Valton Beqiri, mori pjesë në hapjen e ekspozitës së përbashkët të artistëve kosovarë në Sallën e Muzeut të Komunës Schaerbek të Brukselit, në Belgjikë.
Organizimi i kësaj ekspozite të Shoqatës së Artistëve Figurativë të Kosovës është bërë nën patronazhin e ministrit të Kulturës, ndërkaq në hapjen e saj, krahas artistëve dhe artdashësve belgë dhe kosovarë, merrte pjesë edhe drejtori i Drejtoratit për Kulturë të Komunës së Scharbekut, Georges Verzin.
Me këtë rast, para të pranishmëve, ministri Beqiri mbajti një fjalë rasti, gjatë të cilës, veç tjerash, tha se kjo ekspozitë, përmes të cilës, në teknika, forma dhe përmbajtje të ndryshme, paraqiten veprat e disa artistëve kosovarë, është një mundësi e mirë për të shprehur dëshirën dhe synimin tonë të përhershëm për shtimin e komunikimit dhe të bashkëpunimit kulturor të Kosovës me Belgjikën dhe me vendet tjera perëndimore.
Më tutje, Ministri Beqiri tha se edhe pse Kosova është një vend i vogël, ajo disponon me kapacitete dhe vlera të shumta kreative artistike, të cilat, në shumësinë e vlerave artistike të kontinentit tonë të vjetër, përfaqësojnë një dimension të veçantë, autentik dhe shumë origjinal.
Kosova, përfundoi Ministri Beqiri, është një hapësirë shumëngjyrëshe, e cila, me vlerat e saj artistike dhe etnokulturore, ia shton bukurinë mozaikut kulturor dhe artistik të Evropës.
Ndërkaq, një fjalë rasti gjatë hapjes së kësaj ekspozite e mbajti edhe drejtori i Drejtoratit për Kulturë të Komunës së Scharbekut, Georges Verzin. Ai, veç tjerash, tha se përgjatë shumë shekujve Belgjika dhe Kosova, si dy vende që kanë përjetuar okupime, luftëra dhe fushëbeteja të shumta, kanë arritur ta kultivojnë edhe kulturën e rezistencës, fisnikërinë dhe ndjenjën për vlerat e larta të qytetërimit evropian.
Bashkëpunimi midis dy vendeve tona, shtoi ai, është rrjedhojë e bashkëpunimit të filluar shumë më herët, e kontakteve dhe ndihmës së shtetit belg gjatë ditëve të luftës në Kosovë dhe e kurorëzuar tash, me hapjen e kësaj ekspozite, në njëvjetorin e shpalljes së pavarësisë së Kosovës.
Ekspozita e artistëve kosovarë në Belgjikë do të vazhdojë të jetë e hapur gjatë tri javëve të ardhshme. /Telegrafi/
Nga Fasal
Nga Neptun
Nga Albi Mall
Lufta Prigozhin - Putin
Më shumë
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës