Hamasi pohon se vetëm dhjetë spitale janë ende funksional në Gaza

Një zyrtar i Hamasit tha këtë pasdite se 25 nga 35 spitalet në Gaza janë jashtë përdorimit si pasojë e bombardimeve dhe pushtimit tokësor i Izraelit.

“Ai ka shkatërruar gjithashtu 94 ndërtesa qeveritare dhe 253 shkolla”, shtoi Osama Hamdan, zyrtar i Hamasit me bazë në Bejrut.

Siç shpjegoi më parë analisti ushtarak britanik, Sean Bell, spitalet janë bërë një pikë qendrore e konfliktit mes izraelitëve dhe militantëve të Hamasit.

Forcat e Mbrojtjes të Izraelit besojnë se Hamasi fshihet në tunele nën spitale, por grupi thotë se Izraeli po synon civilët, raporton skynews.

Organizata Botërore e Shëndetësisë ka raportuar gjithashtu se më shumë se gjysma e spitaleve të Gazës më nuk funksionojnë, megjithëse shifrat e tyre ndryshojnë shumë.

Lexo po ashtu Pamje rrëqethëse, ushtarja e rrëmbyer izraelite vritet nga Hamasi – shfaqet para kamerës para se të ekzekutohet

Sipas grupit, nga 36 objektet mjekësore të enklavës, vetëm 14 janë ende funksionale, ndërsa të tjerat janë detyruar të mbyllen për shkak të “mungesës së karburantit, dëmtimit, sulmeve dhe pasigurisë”.

Ndryshe, Izraeli ka nisur një ofensivë në Rripin e Gazës pas sulmit terrorist të Hamasit në shtetin izraelit. /Telegrafi/