Sekretar i Përgjithshëm i Ministrisë së Inovacionit dhe Ndërmarrësisë, Hajriz Koca, ka kundërshtuar vendimin e Agjencisë Kundër Korrupsionit, që sipas vendimit të AKK-së emërimi i Kocës si sekretar në MIN është konflikt interesi.
Sekretari Koca, në një deklaratë të dhënë për Telegrafin ka thënë se ka ngritur padi ndaj Agjencisë Kundër Korrupsionit.
“Në lidhje me Vendimin e Agjencisë Kundër Korrupsionit, për konflikt interesi, ju informoj se duke shfrytëzuar të drejtën time ligjore, sot kam bërë padi për konflikt administrative kundër Agjencisë Kundër Korrupsionit, në Gjykatën Themelore në Prishtinë, duke kundërshtuar vendimin e saj, për konflikt interesi. Këtë vendim e kundërshtoj pasi nuk është në harmoni me dispozitat ligjore të Ligjit për Parandalimin e Konfliktit të interesit, është i ndikuar dhe jo profesional”, është shprehur ai për Telegrafin.
Ai tha se duke u bazuar në Kodin Penal të Republikës së Kosovës, emërimi i tij nuk paraqet konflikt interesi.
“Duke u bazuar në Nenin 18 , pika 1.1. e Ligjit për Parandalimin e Konfliktit të Interesit i cili flet për:Kufizimet e zyrtarit të lartë pas përfundimit të ushtrimit të detyrës publike 1. Zyrtari i lartë nuk ka të drejtë: 1.1.të punësohet ose të emërohet, për një periudhë deri në dy (2) vjet pas përfundimit të funksionit publik, në pozitë udhëheqëse ose menaxhuese, apo të përfshihet në kontrollin ose auditimin e institucioneve publike dhe private dhe institucioneve vartëse të tyre të cilat kanë marrëdhënie biznesi me institucionin ku ka ushtruar funksionin publik, nëse detyrat e tij gjatë periudhës dy-vjeçare para përfundimit të ushtrimit të funksionit publik kanë qenë drejtpërdrejtë të lidhura me mbikëqyrjen, kontrollin apo sanksionimin e aktivitetit të tyre.
Pra në bazë të këtij neni në cilësinë e Këshilltarit politik të ministrit, mua nuk me kufizohet e drejta për tu emëruar në pozitë menaxhuese, pasi detyrat e mia gjatë ushtrimit të funksionit të këshilltarit nuk kanë qenë të lidhura me mbikëqyrjen, kontrollin apo sanksionimin e aktivitetit të punës së institucionit apo të stafit administrativ të Ministrisë së Inovacionit dhe Ndërmarrësisë”, ka thënë ai.
Ai tha se Agjencia Kundër Korrupsionit ka pasur mundësi të jap opinionin e saj para zgjedhjes së tij në pozitën e Sekretarit të Përgjithshëm, në Ministrinë e Inovacionit dhe Ndërmarërsisë, por që sipas tij, nuk e ka bërë një gjë të tillë brenda afateve ligjore.
“Edhe pse mbetet që Gjykata ta vërtetojë me faktet në këtë rast, unë besoj që zgjedhja ime në pozitën e Sekretarit të Përgjithshëm në Ministrinë e Inovacionit dhe Ndërmarrësisë është bërë në bazë të konkursit publik dhe në harmoni të plotë me të gjitha ligjet të cilat e rregullojnë fushën e shërbimit civil”, tha ai.
Sekretari tha në fund se për inicimin e padisë kundër Agjencisë Kundër Korrupsionit, i ka informuar edhe institucionet kompetente të Qeverisë së Republikës së Kosovës.
Ndryshe, gjatë ditës së djeshme Agjencia Kundër Korrupsionit ka konstatuar se emërimi i Hajriz Kocës në pozitën e sekretarit të Ministrisë së Inovacionit dhe Ndërmarrësisë paraqet konflikt interesi.
Pasi që sipas AKK-së, Hajriz Koca para emërimit në pozitën e sekretarit në Ministrinë e Inovacionit ishte këshilltar politik i ministrit të po kësaj ministrie, dhe se kjo situatë bie ndesh me dispozitat e Ligjit për Parandalimin e konfliktit të interesit në ushtrim të këtij funksioni.
Agjencia Kundër Korrupsionit ka kërkuar dje nga Ministria e Inovacionit dhe Ndërmarrësisë, që të nisin proceduarat për shkarkimin e tij./Telegrafi/
Promo
Reklamo këtu
Nga HyperActive
Nga GO+
Nga Down Syndrome Kosova
Nga Muqa Solar Company
Lufta Prigozhin - Putin
Më shumë
Nga Rubrika
KQZ shpall nesër rezultatet përfundimtare të zgjedhjeve, Baraliu: Procesi i stërzgjatur, por jo i cenuar
Fundi i procesit gjyqësor në Hagë ndaj ish-krerëve të UÇK-së – edhe 8 seanca i kanë mbetur prokurorisë
Kryeqyteti nuk gjen qetësinë, theret me thikë një person në lagjen Dardania
Dalin pamjet e momentit të aksidentit ku humbën jetën dy vajzat e reja nga komuna e Kamenicës
Publikon fotot e dy vajzave që humbën jetën në aksident, kryetari i Kamenicës: Dhimbja e mëngjesit të sotëm do të na përcjell gjatë
Al Jazzera: Ish zv.ambasadorja amerikane në Kosovë merr detyrën si shefe e Ballkanit në Departamentin e Shtetit
Policia tregon se si erdhi deri te aksidenti i rëndë në Ranillug ku humbën jetën dy vajza
Ministria e Financave njofton përfituesit e Asistencës Sociale që të ndjekin hapat e domosdoshëm për të vazhduar përfitimin nga programi
Prokuroria autorizon policinë që të nisë hetimet ndaj Sami Kurteshit
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Për vetëm 29.95€ me Telegrafi Deals dhe Melodia PX, këto patika bëhen tuajat!
Marrëveshje: Melodia Px dhe Telegrafi Deals janë dakordu që atletet Nike për femra ti ofrojnë për vetëm 69.95€, deri më 09 mars!
A do të shihemi në Balkan eCommerce Summit 2025?
Ekskluzivisht në Telegrafi Deals – Nike REAX nga 101€ në 79.95€!
Çfarë do të thotë DeepSeek AI për marrëdhëniet e SHBA me Kinën?
Më të lexuarat
Ndodhet akoma në Big Brother - publikohet data e koncertit të parë të Gjestit
Zbulohen prapaskena befasuese: Me vetëm një telefonatë, Perez ndikoi që dy lojtarë të Barcelonës ta kalojnë regjistrimin
Ishte apo jo prekje e dyfishtë nga Alvarez? TNT Sports publikon pamje të reja për t'u dhënë fund debateve
Diego Simeone i la të gjithë pa fjalë për pyetjen që bëri në konferencë për media
Ulet pranë Gjestit, Xheneta: Dikush m’i ka puthur këta gishta të këmbës
Republika Serbe miraton një draft të kushtetutës së re - shtet brenda shtetit të Bosnje dhe Hercegovinës