Guardiola tashmë ka shpenzuar 193 milionë euro vetëm për mbrojtës anësor

Pasi zyrtarizimit të transferimit të Joao Cancelos për 35 milionë euro, Manchester City tashmë ka shpenzuar 193.5 milionë sosh vetëm për të përforcuar krahët e mbrojtjes së Pep Guardiolas.

Trajneri spanjoll, i cili duket se nuk kursen asgjë për të arritur objektivat, ka sjellë tashmë gjashtë emra të ndryshëm në repartin defansiv.

Shtesa e fundit është ajo e ish-lojtarit të Valencias dhe ish partnerit të Cristiano Ronaldos në Juventus, i cili u zyrtarizua gjatë mbrëmjes së kaluar pasi kaloi me sukses testet mjekësore.

Quite an impressive CV you have here, young man! 🔥

🔵 #mancity pic.twitter.com/KDLsO2aoHD

— Manchester City (@ManCity) August 7, 2019

Interesant është fakti se portugezi mund të luajë në krahun e majtë pasi që në pozitën e djathtë është ish-lojtari i Tottenham Hotspurs, Kyle Walker, i cili gjatë vitit të kaluar pati paraqitje të mira.

Në pozitën e majtë është Benjamin Mendy, i cili ka arritur të luajë vetëm 23 ndeshje në dy sezonet e para që kur Citizens paguan shumën rekord për 57.5 milionë euro për Monacon. Duke pritur që ai të kthehet nga dëmtimet, aktualisht Zinchenko është mbrojtësi që po mbulon atë krah dhe kampionit anglez i ka kushtuar dy milionë euro.

Ndryshe, Angelino është mbrojtësi i PSV-së, i cili pa zhurmë të madhe kaloi te anglezët për shumën e 12 milionë eurove. /Telegrafi/