Guardiola afër rinovimit me Cityn, bëhet trajneri më i paguar në botë

Pep Guardiola ka arritur marrëveshje në parim me drejtuesit e Manchester Cityt për rinovimin e tij edhe për një vit me gjigantin anglez.

Trajneri spanjoll në fund të sezonit do të mbetet vetëm edhe me një vit kontratë me Qytetarët.

Megjithatë, drejtuesit sheikët e Cityt nuk duan ta lëshojnë trajnerin spanjoll dhe ia kanë ofruar rinovimin edhe për një vit.

Sipas mediumit britanik The Mirror, drejtuesi e klubit anglez dhe Guardiola janë takuar ku edhe i janë ofruar kushtet e reja të rinovimit për spanjollin.

Guardiolas i është ofruar rinovimin deri në vitin 2020 duke iu ofruar edhe një pagë prej 20 milionë funte apo 22.9 milionë eurosh në vit.

Spanjolli thuhet se e ka pranuar rinovimin edhe për një vit me rritje page dhe tani ka mbetur vetëm edhe zyrtarizimi i saj.

Lexo po ashtu Guardiola: Liga Premier është turneu më i rëndësishëm i Cityt

Nëse Guardiola nënshkruan këtë kontratë, do të bëhet trajneri me pagën më të lartë në botë.

Trajneri i njohur në të kaluarën ka qenë edhe trajner i Barcelonës dhe Bayern Munichut ku ka fituar trofe të shumtë në kampionat dhe Evropë, ndërsa është afër edhe te City ta fitojë titullin në Ligën Premier. /Telegrafi/