Gomat e dimrit dhe rëndësia e tyre

Ashtu siç tregon edhe emri, gomat e dimrit janë të dizajnuara veçanërisht për motin e ftohtë. Sapo temperaturat fillojnë të bien nën shtatë gradë celsius, dizajni dhe konstruksioni i tyre i mençur vjen në pah.

Pavarësisht kësaj, shumë njerëz mendojnë se ato përdoren vetëm për borë. Në fakt, mënyra se si është dizajnuar sipërfaqja e gomave të dimrit e bën këtë version të gomave më të përshtatshëm se gomat që përdoren për të gjitha sezonet ose gomat e verës. Kjo nënkupton që gomat e dimrit “e ngërthejnë” rrugën më mirë në të ftohtë – pavarësisht nga kushtet tjera të motit, shkruan Koha Ditore.

Këto goma shkëlqejnë në borë. Format e gomave të tilla janë të dizajnuara për të “shkundur” borën ashtu që ajo të mos ngjitet në vrimat – siç do të ndodhte te modelet tjera të gomave.

Bora është e mirë në ngjitjen e pjesëve ku ka më shumë borë, që paraqet problem të madh për gomat gjithësezonale apo të verës. Ato e bëjnë më të sigurt vozitjen tuaj gjatë të ftohtit.

Gomat e dimrit kanë rëndësi të madhe për vozitjen gjatë dimrit, sezoni i të cilit nis më 15 nëntor dhe zgjat deri më 15 mars. Gjatë kësaj periudhe, shoferët janë të obliguar të pajisin automobilat e tyre me goma të tilla.