Gjermania vazhdon ‘sundimin’ në Grupin C (Video)

Kombëtarja gjermane ka fituar edhe në ndeshjen e pestë të Grupit C, pasi ka mposhtur Azerbajxhanin me rezultat 4-1.

Gjermania ka vazhduar me bilancin e qind për qind edhe pas ndeshjes së pestë kualifikuese për Kupën e Botës “Rusia 2018”.

Djelmoshat e Joachim Loew e përfunduar gjysmën e punës vetëm në pjesën e parë, ku shënuan tri gola dhe dominuan gjithë kohën.

Fillimisht ishte Andre Schurrle, i cili kaloi gjermanët në epërsi në minutën e 19 pas asistimit të Jonas Hector, por vendasit arritën të barazojnë rezultatin në minutën e 31 me anë të Dimitrij Nazarov.

Megjithatë, ‘Panzerët’ nuk u pajtuan me këtë rezultat dhe shënuan edhe dy gola tjerë, me Thomas Muller që shënoi në minutën e 36 pas asistimit të Schurrles dhe Mario Gomez që qoi skuadrat në pushim me rezultat 3-1 pas asistimit të Joshua Kimmich.

Në pjesën e dytë, Gjermania, përveç që menaxhoi mirë epërsinë arriti të shënoj edhe një gol tjetër me anë të Schurrles, që shënoi në minutën e 81 dhe vulosi rezultatin përfundimtar 4-1.

Pas kësaj fitore, Gjermani ka 15 pikë në vend të parë dhe në ndeshjen tjetër e pret në shtëpi San Marinon, ndërsa Azerbajxhani gjendet në vendin e katërt me shtatë pikë dhe luan ndaj Irlandës Veriore. /Telegrafi/

https://www.youtube.com/watch?v=dcG7d4zWaMw

https://www.youtube.com/watch?v=uxIwFv4gV_o

https://www.dailymotion.com/video/x5gakpz_thomas-muller-goal-vs-azerbaijan-1-2_sport

https://www.youtube.com/watch?v=geL3HY6mCYA