Gati një milion rusë braktisën vendin e tyre që nga pushtimi i Ukrainës

Gati një milion qytetarë rusë kanë hyrë në Bashkimin Evropian në gjashtë muajt e fundit që kur vendi i tyre pushtoi Ukrainën, njoftoi të enjten agjencia kufitare e BE-së Frontex.

Gjithsej 998,085 mbajtës të pasaportave ruse hynë në BE nga dita e pushtimit më 24 shkurt deri më 22 gusht, tha një zëdhënës i Frontex për agjencinë gjermane të lajmeve DPA.

Ndërkohë, rreth 7.7 milionë qytetarë ukrainas kanë hyrë në BE dhe 4.7 milionë janë kthyer në atdheun e tyre që nga fillimi i pushtimit rus, tha Frontex në fillim të këtij muaji.

Lexo po ashtu Finlanda do të ulë numrin e vizave të lëshuara për rusët

Shifrat vijnë ndërsa BE debaton një ndalim të vizave për turistët rusë që është mbështetur publikisht nga Finlanda, Republika Çeke dhe Estonia.

Letonia, Lituania dhe Polonia ndaluan lëshimin e vizave të reja turistike për rusët pas pushtimit të Ukrainës më 24 shkurt. Ndërsa Estonia ndaloi hyrjen e rusëve me viza ekzistuese dhe Finlanda premtoi të zvogëlojë numrin e aplikimeve të përpunuara për viza turistike ruse me 90 për qind nga 1 shtatori.

Si një kompromis, qeveria çeke pritet të propozojë kosto më të larta dhe kohë përpunimi për vizat e hyrjes afatshkurtra për rusët dhe bjellorusët në një takim të BE javën e ardhshme.

Komisioni Evropian tha se aplikimet për viza ruse duhet të vlerësohen rast pas rasti. /Telegrafi/