Forcat ukrainase po kryejnë operacione kundërsulmuese në të paktën katër zona të frontit

Forcat ukrainase po kryejnë operacione kundërsulmuese në të paktën katër zona të frontit, tha Instituti amerikan për Studimin e Luftës (ISW).

Zëdhënësi i grupit lindor të forcave ukrainase, kolonel Serhiy Cherevaty vuri në dukje se forcat ukrainase avancuan deri në 1,400 metra në zona të paspecifikuara të frontit të Bakhmutit dhe blogerët rusë raportuan avancime ukrainase në veriperëndim dhe verilindje të Bakhmutit, thotë ISW, transmeton Telegrafi.

Burimet ruse raportuan aktivitetin ukrainas në rajonin e Luhanskut afër Bilohorivka, derisa ministria ruse e mbrojtjes dhe burime të tjera ruse pohuan se trupat ukrainase kryen sulme të lokalizuara në zonën kufitare të rajonit Donetsk-Zaporizhia, veçanërisht në zonën Velyka Novosilka.

ISW raporton se pamjet e postuara më 10 qershor tregojnë gjithashtu se forcat ukrainase në rajonin perëndimor të Zaporizhia-s arritën avancime gjatë kundërsulmeve në jugperëndim dhe juglindje të Orikhiv.

Instituti thotë se forcat ukrainase jo çuditërisht po përballet me fatalitete në sulmet fillestare kundër disa prej forcave ruse më të përgatitura në Ukrainë.

Megjithatë, sulmet fillestare – dhe veçanërisht pamjet e përzgjedhura që burimet ruse po i shpërndajnë – nuk janë përfaqësuese të të gjitha operacioneve të Ukrainës. /Telegrafi/