Fakiri i “Cirkut të Tmerrit” [Video]

Pjesëtari i cirkut Hannibal Helmurto shfrytëzon veshët e tij për t’i hipnotizuar njerëzit. Këtë teknikë të pazakontë e ka zhvilluar vetë, ndërsa për fuqinë e hipnotizimit ai është falënderues për një pjesë shtesë që ia ka ngjitur trupit të tij.

Helmurto në zgavrat e veshit, të cilat i ka zgjeruar dukshëm, ka futur dy disqe rrotulluese dhe mu ato janë meritorë për fuqinë e tij hipnotizuese.

“Njerëzit përqendrohen në format e ndryshme të cilat i krijon disku në kokën e atij që e shikon dhe në një moment ata janë nën urdhrat tuaj”, thotë gjermani 39 vjeçar, i cili momentalisht është në Britani në turne me cirkun e tij “The Circus of Horror” (Cirku i Tmerrit).

U bë hipnotizues pasi që dëgjoi se kjo mund t’i ndihmojë në numrin e gëlltitjes së shpatave, e cila është ende pika kryesore e tij në cirk.

“Shpejtë e kam kuptuar se më lehtë është të hipnotizosh njerëzit me veshët sesa sytë tuaj”, thotë ai. “Sa më inteligjent janë njerëzit është më lehtë t’i hipnotizosh, pasi kryesisht kanë fuqi më të mirë të përqendrimit dhe mendimet nuk u fluturojnë tjetër kund”.

“Në një rast kam bërë njerëzit që të ecin në skenë në formë treni, ndërsa njëri prej tyre filloi të besojë se ishte karikaturist japonez. Nuk dinte asnjë fjalë japonisht dhe filloi të fliste përçartë ato që ai mendonte se ishin fjalë japonishte”, rrëfeu Helmurto disa nga pikat më të suksesshme të tij për portalin “Metro.co.uk”. /Telegrafi/