“Fake” nga Tayna premton të shndërrohet në një tjetër hit

Tayna tashmë është bërë sensacion në skenën muzikore shqiptare, saqë thuajse secilën këngë që e lanson shndërrohet në hit.

Ditë më parë, reperja e publikoi videoklipin më të ri të këngës së titulluar “Fake”.

Ndërsa që në ditët e para të lansimit, edhe kjo këngë premton se do të shndërrohet në një tjetër hit të këngëtares.

Lexo po ashtu Lajmet për Tayna

Më pak se 48 orë pas publikimit të videos muzikore në YouTube, “Fake” ka kaluar shifrën prej një milionë shikimesh.

Cricket qëndron prapa këtij projekti, të cilit ia ka realizuar muzikën. Për tekstin, natyrisht, është kujdesur vet këngëtarja, ndërsa Avaxus e ka bërë miksimin dhe masterizimin.

Regjia e videos muzikore është bërë nga Alban Selimaj, ndërsa është projekt i Friends Entertainment.

“Fake” ka ardhur pas këngës “Shqipe”, videoklipi i të cilës u lansua më 30 qershor dhe deri më tani është shikuar mbi 13.4 milionë herë në YouTube.

Vlen të theksohet se hiti që shënoi shpërthimin e Taynas në skenë është padyshim “Columbiana” në bashkëpunim me Don Phenom. /Telegrafi/