Është zyrtare, Biden e Putin takohen më 16 qershor në Gjenevë

Joe Biden do të takohet me Vladimir Putinin në Gjenevë muajin tjetër në takimin e tyre të parë ballë për ballë si presidentë, ka njoftuar Shtëpia e Bardhë.

“Udhëheqësit do të diskutojnë për gamën e plotë të çështjeve të ngutshme, ndërsa ne kërkojmë të rikthejmë parashikueshmërinë dhe stabilitetin në marrëdhëniet SHBA-Rusi”, ka thënë sekretarja e shtypit e Shtëpisë së Bardhë, Jen Psaki, në një deklaratë.

Takimi do të ndodhë më 16 qershor midis disa tubimeve ndërkombëtare.

Ai bie disa ditë pas takimit të G7 në Mbretërinë e Bashkuar, ku Rusia me siguri do të jetë një temë diskutimi midis udhëheqësve botërorë.

Ai gjithashtu do të vije pas mbledhjes së udhëheqësve të NATO-s në 14 qershor ku ata do të diskutojnë sfidat globale duke përfshirë “veprimet agresive të Rusisë”.

Një deklaratë e lëshuar nga Kremlini tha se Putini do të diskutojë me Biden “perspektivat për zhvillimin e mëtejshëm të marrëdhënieve ruso-amerikane, çështje të stabilitetit strategjik, si dhe çështje aktuale në agjendën ndërkombëtare, duke përfshirë ndërveprimin në luftën kundër pandemisë së coronavirusit dhe zgjidhjen e konflikteve rajonale”. /Telegrafi/