A është ish i dashuri juaj psikopat? Ja si mund ta zbuloni këtë

Nëse ish i dashuri vazhdon të provoj të mbajë kontakt me ty, si p.sh., vazhdon të t’i pëlqej fotografitë në Facebook¸të dërgon artikuj për të lexuar etj., atëherë mund të jetë psikopat.

Sipas një studimi të ri në Personality and Individual Differences, thuhet se njerëzit me “trajta të personalitetit të errët”, si psikopatia dhe narcicizmi, dëshirojnë të përfitojnë nga lidhjet edhe pasi lidhja të ketë përfunduar, transmeton Telegrafi.

Për këtë studim, hulumtuesit e Universitetit Oakland, Justin Mogilski dhe Lisa Weling, kishin pyetur 860 persona t’i emërojnë arsyet se përse mbajnë kontakte me ish të dashurit, dhe ato arsye t’i renditin sipas rëndësisë.

Befasisht, hulumtuesit kishin zbuluar se subjektet që kishin “masa të personalitetit të errët” vendosnin të mbanin kontakte me ish të dashurit për “arsye praktike dhe seksuale”.

Prandaj, nëse ish i dashuri të kontakton ende, mund të jetë duke të shfrytëzuar dhe mund të jetë psikopat.

“Narcisistët e urrejnë dështimin dhe humbjen, prandaj bëjnë gjithçka që të mbajnë një lidhje nëse nuk e kanë pasur mundësinë që ata ta përfundojnë atë”, kanë thënë hulumtuesit e këtij studimi. /Telegrafi/