Ekspozitë e astrofotografëve ‘Pamje në pafundësi’

Në Muzeun e Qytetit të Shkupit sonte do të hapet ekspozita e astrofotografëve e titulluar ‘Pamje në pafundësi’, përcjell Telegrafi Maqedoni.

Do të prezantohen fotografi nga gjurmë yjore, peisazhe të natës, objekte nga Sistemi diellor, çerdhe të shumta malinje dhe yjore, galaksi të afërta dhe të largëta. Fotografitë janë bërë nga anëtarët e shoqatës në lokacione në Maqedoni dhe Evropë gjatë tre viteve të shkuara, njofton AIM.

‘Kufiri i mundësive të syrit të njeriut është i dukshëm gjatë vëzhgimit të qiellit të kthjellët të natës. Gjithçka që mund të shihet janë disa mijëra yje, strukturë e ngushtë mjegullore e cila shtrihet nga horizonit në horizont, disa planete, e jo rrallë meteorë dhe satelitë. Ata të cilët dinë se ku të shohin, në qiell mjaft të errët mund të shohin edhe dy galaksi fqinje. Megjithatë, këto pamje janë të mjaftueshme për t’u nxitur shqetësimi, kërshëria dhe dëshira për t’u dëshmuar ndryshimet dhe proceset të cilat syri ynë nuk mund t’i sheh’, thonë nga Shoqata astrologjike e Shkupit.

Ekspozita është ndihmuar nga Muzeu i qytetit të Shkupit, ndërsa hyrja është pa pagesë. /Telegrafi/