Edoni rrëfen momentin kur i tregoi të dashurës se është biseksual

Aktori Edon Shileku është një prej banorëve më të komentuar të spektaklit Big Brother VIP Kosova.

Ai deklaroi në një nga mbrëmjet e spektaklit se është pjesë e komunitetit LGBTI+, përkatësisht biseksual.

Së fundmi, gjatë një bisede me Gresën dhe Andin në oborrin e shtëpisë, aktori ka rrëfyer momentin e parë kur ia ka kumtuar të dashurës së tij orientimin e tij seksual.

“Ajo konstant ma bënte: Unë s’e kam problem, tregom, unë s’doja t’i tregoja kurrqysh sepse nuk doja ta humbisja”, ka rrëfyer Edoni.

Aktori i cili shpesh shfaqet edhe si “drag queen” me emrin Victoria Owns, ka thënë se e dashura e tij nuk e mori fare afër zemrës.

Pastaj një ditë vetëm i kam treguar sepse nuk ka mundur ta zgjasë më. I kam treguar pas 4-5 muajve. Vetëm kam dalë një ditë edhe e kam ndjerë t’i tregoj. Kemi pirë kafe edhe kur i kam treguar më ka thënë: ‘Pse s’më ke treguar ma herët, mua s’ma ndjen për këto gjëra, nuk më intereson’”, ka theksuar aktori.

Përndryshe, këtë javë janë gjithsej pesë banorë të nominuar: Shota, Xhuli, Stresi, Andi dhe Vivien – ku njëri prej tyre do të lërë shtëpinë të premten. /Telegrafi/