Dënimi me një vit e tre muaj burgim efektiv për mashtrim me subvencione ndaj Etem Arifit, deputet nga radhët e Partisë së Ashkalinjëve për Integrim (PAI), ligjërisht ka rezultuar me humbjen e statusit të deputetit të Kuvendit të Republikës së Kosovës.
Dënimi me burgim ndaj Arifit, në janar të këtij viti, u konfirmua nga Gjykata Supreme, duke mbetur kështu në fuqi dënimin prej një viti e tre muaj i shqiptuar nga Gjykata e Apelit, raporton “Betimi për Drejtësi”.
Si pasojë e dënimit të formës së prerë, Arifi përveç se humb pozitën e deputetit, ndaj tij brenda pak muajve duhet të zhvillohet edhe procedura për ekzekutimin e dënimit me burgim, në përputhje me Ligjin për Ekzekutimin e Sanksioneve Penale dhe vendosjen e tij në institucionin korrektues.
Kjo pasi që Gjykata Themelore në Prishtinë ia ka shtyrë ekzekutimin e dënimit Etem Arifit, edhe për dy muaj të tjerë.
Ndaj Arifit, gjykata me 10 shkurt 2020 kishte lëshuar urdhërese për tu lajmëruar në Qendrën e Paraburgimit në Prishtinë për të vuajtur dënimin e shqiptuar ndaj tij.
Mirëpo, i dënuari Arifi me 2 mars 2020 kishte bërë kërkesë për shtyrje të ekzekutimit të dënimit, e cila kërkesë i është aprovuar nga ana e Gjykatës Themelore në Prishtinë.
“Lidhur me kërkesën tuaj ju njoftojmë se Gjykata Themelore në Prishtinë me datë 10.02.2020, ka lëshuar Urdhëresë që i dënuari E.A me datë 09.03.2020 të lajmërohet në Qendrën e Paraburgimit në Prishtinë në vuajtje të dënimit me burg, mirëpo me datë 02.03.2020, i dënuari E.A ka bërë kërkesë për shtyrje të ekzekutimit të dënimit, e cila kërkesë me datë 04.03.2020, i është aprovuar dhe i është shtyrë ekzekutimi për 2 muaj”, thuhej në përgjigjen e zyrtares për informim në Gjykatën Themelore në Prishtinë, Mirlinda Gashi, për “Betimi për Drejtësi”.
Se Arifi e ka humbur mandatin e deputetit parasheh shprehimisht edhe Kushtetua e Republikës së Kosovës, në nenin 70, paragrafi 3, pika 6, në të cilën theksohet se “mandati i deputetit mbaron ose bëhet i pavlefshëm, nëse deputeti dënohet me vendim gjyqësor të formës së prerë për vepër penale me një ose më shumë vjet burgim”.
Ndërsa në nenin 6, paragrafin 1 të ligjit të lartpërmendur theksohet se “Ekzekutimi i sanksionit penal fillon kur vendimi me të cilin është shqiptuar sanksioni penal e merr formën e prerë dhe nëse për ekzekutimin e tij nuk ka pengesa ligjore”.
Ndërsa në nenin 12 të të njëjtit ligj, paragrafi 1, theksohet se “Personi i dënuar me burgim vendoset në institucionin korrektues, nëse kohëzgjatja e burgimit pas llogaritjes së paraburgimit, ose të privimit tjetër nga liria lidhur me veprën penale i kalon tre (3) muaj.
”Përderisa ligjërisht, ndaj Arifit do duhej të fillonte ekzekutimi i dënimit me burgim brenda pak muajve, rezulton se i njëjti ende cilësohet si deputet i Kuvendit të Kosovës, bazuar në ueb faqen zyrtare të Kuvendit të Kosovës, raporton “Betimi për Drejtësi”.
Njëjtë thuhet edhe në Ligjin nr.03/L-111 për të Drejtat dhe Përgjegjësitë e Deputetit, ku ceket se një deputeti i përfundon para kohe mandati, kur ndaj tij është shqiptuar dënim i formës së prerë me burgim në kohëzgjatje për një ose më shumë vjet burgim.“1.6. Nëse me vendimin e formës së prerë të gjykatës dënohet për vepër penale me vuajtje të dënimit për një ose më shumë vjet burg”, thuhet në nenin 8 të Ligjit për të Drejtat dhe Përgjegjësitë e Deputetit, i cili nen flet për përfundimin e mandatit të deputetit.
Humbjen e statusit të deputetit të Kuvendit, e ka paraparë edhe Rregullorja e Kuvendit, raporton “Betimi për Drejtësi”.
Kjo rregullore, në nenin 25, pikën d, njëjtë sikurse Ligji për të Drejtat dhe Përgjegjësitë e Deputetit, ka paraparë që deputeti e humb mandatin në raste se dënohet për ndonjë vepër penale me një vit e më shumë burgim.
Promo
Reklamo këtuLufta Prigozhin - Putin
Më shumëNjë tjetër fitore për Kosovën në Washington
Në Shqipëri zyrtari policor e shantazhon qytetaren: Mi jep 3 mijë euro ose t'i publikoj fotot zhveshur
Dëshmitari thotë se i akuzuari për krime lufte në Vushtrri e kishte goditur me armë në fytyrë
Mbyti dhe dogji prostitutën shqiptare në një pyll të Francës, prokuroria kërkon 20 vite burg për autorin
Flet 17-vjeçarja që u publikua në “AlbKings”: Ma kanë montu foton
AGK reagon ndaj shpërndarjes së numrit të gazetares nga grupi “Albkings”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'