E&B Consultancy, një mundësi e re për zhvillim akademik e profesional për të rinjtë

Të mërkurën, me datën 30 mars shpaloset një mundësi e re për zhvillim akademik dhe profesional për të rinjtë e Kosovës, mundësi kjo që vjen nga Shqipëria përmes kompanisë këshilluese E & B Consultancy e cila do të ofrojë rreth 10 bursa për të rinjtë e moshës 15 vjeç e më lartë.

E & B Consultancy është një kompani konsulente për zhvillim akademik të studentëve të moshës 15 vjeç e më lartë.

Duke qenë në këtë industri për më shumë se pesë vite në tregun e Shqipërisë, E & B Consultancy ofron këshilla profesionale për studentë të cilët kanë dilemën e vendosjes se çfarë të bëjnë më tutje në zhvillimin e tyre akademik.

E & B Consultancy ofron qasje në më shumë se 20 universitete dhe kolegje të njohura të botës.

Misioni i E & B Consultancy është të ndihmojë të rinjt në zhvillimin e tyre akademik dhe profesional.

Aktivitetet e saj në Kosovë, E & B Consultancyi fillon me një konferencë ku do të ketë folës të ndryshëm vendorë nga institucionet publike dhe sektori privat si dhe përfaqësues të institucioneve arsimore ndërkombëtare.

Konferenca, përveç që do të ofrojë mundësinë për tu informuar më afër me mundësitë e studimit dhe zhvillimit akademik në rrjetin e universiteteve dhe kolegjeve me renome botërore në rrjetin e E & B Consultancy, të rinjtë mund të informohen për së afërmi rreth mundësisë për të fituar bursa nga kjo kompani.

Bursat do të shpërndahen përmes një gare që përbëhet nga teste kryesisht të lëndës së matematikës dhe gjuhës angleze.

Kompania do të bëjë ndarjen e bursave, një nga të cilat do të mbulojë 100% të shpenzimeve studimore dhe 10 bursa tjera që do të bëjnë mbulimin e 30%, 40% dhe 50% të shpenzimeve për student.

Gjatë kësaj ngjarje, do të shpalosen gjerësisht aktivitetet e kësaj kompanie në Kosovë, zhvillimet e fundit në lëmin e konsulencës akademike.

Përveç që kjo kompani do të ofrojë këshillime për zhvillim akademik, ajo do t’u lehtësojë të rinjve qasjen në institucionet akademike rajonale dhe botërore.

Ngjarja do të mbahet të mërkurën me datën 30 mars 2016 nga ora 18:30 në hotel Sirius në Prishtinë e cila në përmbyllje do të ketë një koktej rasti që do të ofrojë mundësinë e rrjetizimit informal me të ftuarit.