“E tmerrshme”, Rihanna kritikohet për performancën e saj karaoke në New York

Rihanna ka tërhequr kritika për një performancë të konsideruar “të tmerrshme” në një event karaoke në New York.

Krijuesja e hitit “Rude Boy”, 36 vjeçe, performoi disa nga këngët e saj më të njohura, si “Needed Me” dhe “Sex With Me”, por vokali i saj nuk u prit mirë nga fansat.

Shumë përdorues në rrjete sociale shprehën zhgënjimin e tyre, duke e krahasuar me një performancë të dështuar dhe duke e përshkruar si “të tmerrshme”, shkruan DailyMail.

“Macja ime mund të këndojë më mirë!”, shkroi një përdorues, ndërsa të tjerë komentuan se mikrofonin po e “vriste” performanca.

Rihanna, e cila ka munguar në skenë muzikore që nga albumi i saj i fundit ‘Anti’ në 2016, ka qenë e përfshirë në projekte të tjera, përfshirë markat e saj të kozmetikës dhe të brendshmeve, si dhe jetën e saj private me reperin ASAP Rocky dhe dy fëmijët e tyre.

Performanca e saj u zhvillua në një ngjarje karaoke “Girls Love Karaoke”, ku Rihanna kishte veshur një veshje të stilit të rrugës, përfshirë një këmishë Tupac, xhinse dhe çizme Bottega Veneta.

Këngëtarja ka ngjallur thashethemet për një mundshëm pensionim të muzikës, pasi muajin e kaluar tha se Zoti kishte “plane të tjera” për karrierën e saj.

Pavarësisht kësaj, fansat po presin me padurim albumin e saj të nëntë, i cili thuhet se është gati për t’u lëshuar pas disa viteve eksperimentimesh me zhanre të ndryshme.

Ndërkohë, Rihanna është angazhuar gjithashtu në projekte të tjera, përfshirë rolin e saj si Smurfette në filmin ‘The Smurfs’ të Paramount Animation, që do të lansohet në shkurt 2025. /Telegrafi/