E kritikojnë se nuk del e buzëqeshur dhe nuk shkruan këngë të lumtura, Bebe Rexha kundërpërgjigjet me një ‘selfie’ të lumtur me gishtin e mesëm

Këngëtarja shqiptare me famë botërore, Bebe Rexha, të mërkurën ishte e ftuar nga Akademia e Muzikës, për të bërë shpalljen e nominimeve për Çmimet “Grammy Awards 2020”.

Megjithëse kësaj radhe nuk pati fatin të nominohet në ndonjë kategori sikurse vitin e kaluar, këngëtarja shqiptare iu uroi fat dhe shumë suksese të gjithë të nominuarve tjerë këtë vit.

Bebe Rexha ndërkohë vazhdon të jetë shumë aktive dhe e ndjekur në rrjetet sociale, përmes së cilave ndan me fansat fotografi dhe video të ndryshme nga jeta e përditshme.

Lexo po ashtu Publikohen nominimet për "Grammy Awards 2020" - Rita, Dua dhe Bebe Rexha mbesin jashtë garës kësaj radhe

Në një nga fotografitë e publikuara së fundmi, ajo ka treguar se kritikohet shpesh nga njerëzit që nuk po publikon fotografi ku shihet duke buzëqeshur apo ku duket e lumtur.

Megjithëse një gjë të tillë, Rexha nuk e ka fare problem ngase për problemet e saj me shëndetin mental dhe bipolaritetin, ajo ka folur haptazi në shumë prej intervistave madje edhe në këngët e saj.

Kujtojmë këtu që super hiti i saj “I’m a mess”, i cili u publikua në vitin 2018 ishte një nga këngët e cila tregonte po ashtu për problemet e saj të shumta.

Sido që të jetë, në imazhin e fundit të ndarë me ndjekësit e saj në rrjetin social Instagram, Bebe Rexha u shfaq tejet e buzëqeshur, ndërsa nuk hezitoi madje të ngritë edhe gishtin e mesëm lartë – ani pse ky nuk është një gjest i mirë.

https://www.instagram.com/p/B5F-azlF34c/

“Njerëzit vazhdojnë të më thonë: Bebe duhet të buzëqeshësh më shumë. Posto më shumë fotografi duke buzëqeshur, ti dukesh kaq emocionale. Shkruaj këngë të lumtura. Bëhu e lumtur. Pra, këtu është versioni im i një fotografie të buzëqeshur. Ndaloni t’u thoni vajzave se duhet të buzëqeshin për të qenë të bukura”, ka shkruar 30-vjeçarja në mbishkrimin e kësaj fotografie.

Dhe ashtu siç pritej, pëlqimet e komentet nga ana e ndjekësve të saj, të cilët janë afro 10 milionë në këtë rrjet social, nuk munguan në përkrahje të artistes shqiptare. /Telegrafi/