A e keni ditur këtë rregull të çuditshëm në futboll? Lojtarët dhe tifozët e Milanit nuk besonin pas golit të anuluar

Në xhiron e 22-të të Serisë A italiane, lojtarët e Milanit barazuan 2:2 me skuadrën e Bolognës dhe gjithçka do të ishte ndryshe nëse nuk do të humbisnin dy penallti.

Përveç kësaj gjatë penalltisë së dytë të ekzekutuar nga Theo Hernandez një situatë që ka hutuar shumë në stadium, por edhe shikuesit pranë ekraneve televizive.

Në minutën e 74-të u akordua një penallti e dytë për kuqezinjtë. Theo Hernandez mori topin dhe goditi shtyllën, më pas ai vrapoi drejt topit dhe e dërgoi atë në rrjetë.

Non ci credo pic.twitter.com/qo0UvAb08J

— Stefano Giustini – Alobrasil (@AloBrasil1974) January 27, 2024

Të gjithë lojtarët e Milanit, edhe ata të pankinës, filluan të gëzohen, ashtu si tifozët, por gjyqtari Davide Massa e anuloi golin dhe akordoi një indirekt për mysafirët.

Megjithatë, gjyqtari veproi në mënyrë rigoroze sipas rregullave dhe mori vendimin e duhur, që është një rregull i pazakontë që shihet rrallë.

Domethënë, nëse topi kërcen nga traversa ose shtylla drejtpërsëdrejti te ekzekutuesi i dënimit më të rëndë pa kontakt të mëparshëm me ndonjë lojtar tjetër, ai jepet në mënyrë indirekte.

Lexo po ashtu I humbën dy ndaj Bolognës, Pioli tregon se kush do t'i ekzekutojë penalltitë tani te Milani

Kjo solli huti të madhe te futbollistët dhe tifozët e Milanit, megjithatë rregullat janë të qarta dhe duhet respektuar. /Telegrafi/ 

Al rigorr di Theo Hernandez pic.twitter.com/nK8G5xZNXS

— Tackle DURO (@tackleduro) January 28, 2024