E gjithë Italia, zonë me rrezik të ulët për coronavirus – mbaron detyrimi për të veshur maskat e fytyrës

E gjithë Italia klasifikohet si një zonë e bardhë me rrezik të ulët sa i përket COVID-19 që nga e hëna, shkruajnë mediat vendase, përcjell Telegrafi.

Për më tepër, detyrimi që njerëzit të mbajnë maska fytyre jashtë është hequr, megjithëse rajoni i Campania-s që i përket Napoli dhe qyteti qendror i Norcia-s po e mbajnë detyrimin për momentin.

Njerëzit ende duhet të mbajnë maska fytyre në hapësira publike të mbyllura, të tilla si në dyqane dhe në transportin publik, dhe në hapësira në ajër të hapur ku mund të ketë turma të njerëzve.

Walter Ricciardi, një këshilltar i ministrisë së shëndetësisë, i tha ANSA se njerëzit duhet të vazhdojnë të jenë të kujdesshëm dhe të marrin masa paraprake të tilla si respektimi i distancës fizike dhe larja e shpeshtë e duarve për shkak të përhapjes së variantit më infektues Delta të coronavirusit.

Ndërkohë Komisioneri i Emergjencave COVID-19, Francesco Figliuolo i tha televizionit RAI të dielën se ai është “i bindur” se Italia do të arrijë imunitetin e tufave deri në fund të shtatorit duke vaksinuar 80% të popullsisë. /Telegrafi/