Dy të vdekur pas fundosjes së varkës me emigrantë në Itali

Roja bregdetare e Italisë njoftoi sot se kishte nxjerrë dy trupa të pajetë dhe kishte shpëtuar 57 persona në ishullin jugor të Lampedusa ndërsa mbi 30 po konsiderohen të zhdukur.

Agjencia e lajmeve Ansa, duke cituar rrëfimet e të mbijetuarve, raportoi se dy varka me emigrantë që ishin nisur nga porti i Sfax, një pikë e nxehtë për krizën e migracionit në Tunizi, ishin fundosur të shtunën në rrugën e tyre për në Evropë.

Njëri kishte 48 persona dhe i dyti 42, tha Ansa, duke shtuar se roja bregdetare kishte gjetur të mbijetuarit rreth 43 kilometra në jug-perëndim të Lampedusa, si dhe dy viktimat – një grua nga Bregu i Fildishtë dhe fëmijën e saj një vjeçar.

Nell’ambito delle attività della #Difesa a supporto delle emergenze, un elicottero HH-139 del 15° Stormo dell’#AeronauticaMilitare, con a bordo anche personale @cnsas_official, ha tratto in salvo oggi 29 migranti a Lampedusa, tra cui due donne incinte. pic.twitter.com/ulB2YgxxP9

— Aeronautica Militare (@ItalianAirForce) August 6, 2023

Më shumë se 2,000 njerëz kanë mbërritur në Lampedusa në ditët e fundit pasi u shpëtuan në det nga anijet patrulluese italiane dhe grupet e OJQ-ve, pasi erërat e forta komplikojnë më tej situatën rreth ishullit, raporton theguardian.

Rreth 20 persona kanë mbetur të bllokuar që nga e premtja në një shkëmb pasi anija e tyre u përplas me shkëmbinj pas arritjes në Lampedusa, me rojet bregdetare të paaftë për t’i arritur ata nëpërmjet detit ose helikopterit, thanë mediat lokale.

Italia po përjeton një rritje të numrit të migrimit detar, ku deri më tani këtë vit në shtetin italian kanë arritur mbi 92 mijë migrantë. /Telegrafi/