Dy anije të tjera me drithëra janë nisur nga Ukraina – shkon në 27 numri që kanë transportuar mallra

Dy anije të tjera me grurë u larguan nga porti ukrainas i Chornomorsk, njoftoi sot Ministria turke e Mbrojtjes, duke e çuar numrin total të anijeve që lundruan nga portet e Detit të Zi ukrainas sipas marrëveshjes së eksportit të grurit të ndërmjetësuar nga OKB në 27.

Zumrut Ana dhe MV Ocean S, të cilat u lejuan të niseshin më 20 gusht, u ngarkuan me 6,300 tonelata vaj luledielli dhe 25 mijë ton grurë, sipas një deklarate nga qendra e përbashkët koordinuese e krijuar për të lehtësuar kalimin e sigurt.

Lexo po ashtu Dorëzohet Putin, pranon që inspektorët ndërkombëtarë të vizitojnë centralin bërthamor Zaporizhzhia

Autoriteti i Porteve Detare të Ukrainës njoftoi të shtunën se tre porte detare ukrainase kanë filluar të ngarkojnë ushqime në shtatë anije, të cilat do të dërgojnë 66,500 tonë vaj gruri, misri dhe luledielli për konsumatorët.

Eksportet e drithërave të Ukrainës kanë rënë që nga fillimi i luftës pasi portet e Detit të Zi – një rrugë jetike detare – janë mbyllur, duke shkaktuar një rritje të çmimeve globale të ushqimit dhe frikën e mungesës në Afrikë dhe Lindjen e Mesme.

Tahıl sevkiyatı kapsamında;

Ukrayna Çernomorsk Limanı’ndan 2 gemi daha hareket etti.

Bugün ayrıca Ukrayna’dan gelen ve Ukrayna’ya gidecek olan 2 geminin de İstanbul’un kuzeyinde denetlemesi yapılacak.#MSB

— T.C. Millî Savunma Bakanlığı (@tcsavunma) August 20, 2022

Në fund të korrikut, tre porte të Detit të Zi u zhbllokuan sipas marrëveshjes mes Moskës dhe Kievit, të arritur me ndërmjetësimin e Kombeve të Bashkuara dhe Turqisë.

Administrata njoftoi në Facebook se transportuesit me shumicë Andan Toplak, Filyoz dhe Maranta ishin ankoruar në portin e Chornomorsk, ndërsa porti i Odesa filloi të ngarkonte Ganosaya dhe Kubrosli Y.

Transportuesi me shumicë Mohamad Y po pret radhën, ashtu si dhe cisterna Foyle që pret në portin e Pivdenji. Administrata tha se ushqimet me origjinë ukrainase do të dërgohen në Francë, Sudan, Turqi dhe Holandë.

Lexo po ashtu SHBA-ja ndan 750 milionë dollarë ndihmë ushtarake për Ukrainën

Ministri ukrainas i Infrastrukturës, Oleksandr Kubrakov tha të premten se në portet e Detit të Zi të Ukrainës, gruri po ngarkohet në dhjetë anije të tjera mallrash dhe po përgatitet për dërgesë.

Ai tha se 25 anije janë transportuar tashmë nga tre porte të Ukrainës, me 630 mijë ton produkte bujqësore. /Telegrafi/