Dua Lipa së shpejti sjell albumin e ri: Epokë e re

Pas dy vitesh punë, një pritje për albumin e ri të këngëtares shqiptare me famë internacionale, Dua Lipa, ka përfunduar.

Këngëtarja ka bërë një postim së fundmi në rrjetet sociale, duke thënë se albumi i saj i ri do publikohet së shpejti. “Epokë e re, faleminderit për durimin tuaj, shihemi së shpejti #DL2”, ka shkruar krahas fotografive 24-vjeçarja.

Ajo e ka shoqëruar përshkrimin me tri fotografi të saja ‘selfie’, teksa prezanton ngjyrën e re, atë me flokë të bardha.

https://www.instagram.com/p/B3FRtoCBg8M/

Më parë, në muajin prill, këngëtarja bëri një postim nga një studio muzikore dhe tregon se është duke punuar në albumin e ri përfshirë ‘instrumentet e ndryshme’. Ajo është parë në studio bashkë me Nile Rodgers dhe Pharrell Williams.

Lexo po ashtu Të gjitha lajmet nga Dua Lipa

#DL2 do jetë koleksioni i projekteve të Duas që nga viti 2017, pjesë e së cilit është edhe hiti “New Rules”. Që atëherë, ajo vazhdoi të punojë me DJ Calvin Harris në “One Kiss” dhe me Silk City (Diplo and Mark Ronson) në “Electricity.”

Një datë e saktë e lansimit të albumit “#dL2” ende nuk është bërë publike, por që mezi po pritet nga fansat e saj të shumtë.

https://www.instagram.com/p/B3DPDzfBHYz/

Lipa përndryshe ka më shumë se një muaj që është bërë pjesë e kampanjës më të re nga marka e famshme, YSL Beauty.

Artistja në fjalë gjatë gjithë këtyre javëve ka qenë e angazhuar me koncerte në kuadër të promovimit të parfumit “Libre” në vende të ndryshme dhe turneu përmbyllës u mbajt në Madrid të Spanjës. /Telegrafi/