Dua Lipa lanson një version tjetër të “Physical” në bashkëpunim me artisten koreane, Hwa Sa

Këngëtarja shqiptare me famë ndërkombëtare, Dua Lipa, ka realizuar një version të ri të hitit të saj, “Physical”.

Kënga origjinale u prit shumë mirë dhe tashmë ka arritur të grumbullojë mbi 55 milionë klikime në platformën YouTube.

Ndërsa tani, ylli shqiptar solli në ‘audio’ një version tjetër në bashkëpunim me këngëtaren koreane, Hwa Sa.

https://www.instagram.com/p/B93o-S2hIg1/

Ajo shprehet e lumtur që kishte mundësinë të bashkëpunonte me këtë artiste dhe shpreson se një ditë do të ketë mundësinë të këndojë live me të këtë këngë.

Lexo po ashtu Të gjitha lajmet nga Dua Lipa

“E dua këtë vajzë dhe energjinë e saj dhe jam shumë mirënjohëse që u mblodhëm për këtë në anët e kundërta të botës. Muzika i bashkon njerëzit dhe unë shpresoj që të ndriçojë pak ditën tuaj gjatë kësaj kohe ku unë mendoj se kemi nevojë për muzikë më shumë! Shpresojmë që një ditë të performojë së bashku”, ka shkruar Lipa.

“Physical” është një nga këngët e albumit të saj më të ri “Future Nostalgia”, i cili do të lansohet i plotë më 3 prill.

Deri më tani, Dua ka publikuar tre këngë nga ky album: “Don’t Start Now”, “Future Nostalgia” dhe “Physical”. /Telegrafi/