Dua Lipa fshin të gjitha fotografitë nga Instagrami

Dua Lipa e cila është shumë e pëlqyer nga mijëra fansa për këngët e saj, duket se së fundmi ka ndërmarrë një veprim të çuditshëm.

Këngëtarja shqiptare po ashtu është mjaft e ndjekur edhe në rrjetet sociale, teksa në atë Instagram numëron 34.9 milionë njerëz, e në po të njëjtin rrjet ajo ka fshirë të gjitha fotografitë.

Duke mos zbuluar asgjë më shumë, 24-vjeçarja nuk ka lënë asnjë foto profili, teksa në faqen zyrtare të saj gjendet vetëm faqja e fondacionit, “Sunny Hill”.

Nuk dihet arsyeja që ka çuar këngëtaren në këtë veprim, megjithëse duket se ylli shqiptar ka vendosur të ketë më shumë privatësi.

Lexo po ashtu Dua Lipa mahnit me stilin e saj në edicionin e 20-të të “The New Yorker Festival”, paralajmëron muzikë të re

E njëjta së fundmi performoi në edicionin e 20-të të “The New Yorker Festival”, në Manhattan, ku atë natë paralajmëroi edhe projektin e radhës, deri në publikimin e albumit të saj të dytë, që pritet të lansohet këtë vit.

Dua këtë vit është shpërblyer me dy çmime “Grammy”, atë për “Artisten e re më të mirë” dhe “Këngën më të mirë elektronike”, për këngën “Electricity” në bashkëpunim me Diplon dhe Mark Ronson.

Lexo po ashtu Spotify e shpall albumin e Dua Lipës si albumin më të suksesshëm të një artisteje femër, të të gjitha kohërave

Ditë më parë po ashtu Spotify e shpall albumin e Dua Lipës si albumin më të suksesshëm të një artisteje femër, të të gjitha kohërave. /Telegrafi/