Djali i Ronaldos hap Instagram me lejen e babait dhe vetëm brenda një dite kalon shifrën e 900 mijë ndjekësve

Cristiano Ronaldo dhe Georgina Rodriguez kanë ndarë me ndjekësit e tyre në rrjetet sociale disa momente familjare që kanë kaluar së bashku në shtëpinë e tyre në Torino.

Italia Veriore ka qenë në gatishmëri të lartë për frikën e një shpërthimi të coronavirusit, me Torino, Milano dhe Venecia duke marrë masa serioze për të shmangur përhapjen e mëtejshme të sëmundjes. Disa shkolla, bare, teatro dhe restorante janë mbyllur, ndërsa qasja në Javën e Modës në Milano gjithashtu është e kufizuar, shkruan en.as.com.

Gjatë këtyre momenteve të tensionuara në rajon, Cristiano Ronaldo, Georgina Rodriguez dhe fëmijët e tyre kanë qenë duke qëndruar së bashku në rezidencën e tyre në një nga lagjet më ekskluzive të Torinos, duke publikuar disa fotografi në rrjetet sociale për t’u treguar ndjekësve të tyre çastet e ëmbla që ata po kalojnë së bashku si familje.

https://www.instagram.com/p/B89lkPtgc0q/?utm_source=ig_embed

Në njërën prej fotove të publikuara në faqen e Instagramit të Ronaldos këtë të martë, sulmuesi i Juventusit shihet duke buzëqeshur në vaskë me katër fëmijët e tij: Cristiano Jr, Eva, Mateo dhe Alana Martina. “Momente qesharake me foshnjat e mia”, shkroi superylli 35-vjeçar në përshkrimin e imazhit, që kishte arritur mbi tetë milionë pëlqime pak kohë pas publikimit.

Me lejen e babait të tij, Cristiano Jr. Hapi llogarinë e tij në Instagram të hënën në mbrëmje, duke publikuar një video ‘selfie’ për t’u prezantuar me përdoruesit e platformës.

https://www.instagram.com/p/B89qnU5hpGA/?utm_source=ig_embed

“Përshëndetje djema. Kjo është llogaria ime e re në Instagram. Shpresoj të kënaqeni”, tha i riu në anglisht, përpara se të përsëriste mesazhin në tri gjuhë të tjera.

Në vetëm një ditë pasi llogaria e tij në Instagram u hap, Cristiano Jr arriti shifrën e 900,000 ndjekësve, megjithëse ai ende është shumë larg nga 205 milionë ndjekësit që ka babai i tij. /Telegrafi/