Ditën e martë Maqedonia do të marr një hua të re prej 53.6 milionë euro (Foto)

Ministria e Financave të martën më 16 tetor, ka planifikuar ankande për letrat me vlerë qeveritare me të cilat planifikon të huazoj 3.3 miliardë denarë ose rreth 53.6 milionë euro. Sipas perspektivës për huamarrje të Ministrisë, shteti do të marr para hua me 12 fatura mujore, obligacione 2 vjeçare dhe 3 vjeçare, si dhe një obligacion 30-vjeçar. Me një pjesë të parave të huazuara, domethënë me 38 milionë euro, do të shlyhen borxhet e vjetra nga qeveria e mëparshme më 17 dhe 20 tetor, përcjell Telegrafi Maqedoni.

Paratë nga obligacioni 30-vjeçar me klauzolën euro, që shteti duhet të japë, duhet të kthej deri në 30 vjet gjegjësisht deri në vitin 2048, me interes prej 4.5%. Shuma e letrave me vlerë të qeverisë, megjithatë, për shkak të pagesës në tetor të këtij viti, arrin shumën prej 7.416.390,000 denarë.

Ministri i Financave Dragan Tevdovski në konferencën e sotme për shtyp nuk u përgjigj saktësisht se çfarë do të ishte dallimi për rreth 15 milionë euro, por ai siguroi që kreditorët kanë besim në qeverinë e Maqedonisë dhe prandaj vendosi të publikojë një lidhje 30-vjeçare.

“Mua më vjen mirë që Maqedonia ka filluar lëshimin e obligacioneve 30-vjeçare e cila ka filluar për herë të parë këtë vit. Kjo do të thotë që ka investitorë. Deri më tani, maturimi më i gjatë i obligacioneve ishte 15 vjet. Kjo do të thotë që dikush në 2048 investon para në lidhje me Maqedoninë dhe beson se këto para do t’i paguhen atij dhe se ekonomia do të shkojë siç duhet”, tha Tevdovski, duke shtuar se ata arritën të ulnin ndjeshëm normat e interesit./Telegrafi/