Dikur Gigi Hadidin e kishin refuzuar stilistët duke i thënë se nuk kishte trup për pasarelat e modës

Sot ajo është një nga modelet më të njohura në botë, por fillimet ishin të vështira për të.

Në një intervistë të re për Revistën “i-D”, ajo tregoi se Jean Paul Gaultier ishte personi i parë që i kishte besuar asaj ecjen në një pasarelë.

Hadid ka thënë se para tij, të tjerët i kishin thënë se ajo nuk kishte “trup për pasarelë”.

“[Jean Paul Gaultier] ishte dizajneri i parë që më lejoi të ecja në një pistë në Paris”, kujtoi Gigi Hadid vitin 2014, kur atë kohë ishte 19 vjeçe.

“Ende kisha trupin tim të volejbollit. Ishte një trup që unë e doja. E dija se sa shumë kam punuar për të pasur ata muskuj – dhe më mungon tani”, tregoi më tej Gigi Hadid.

“Njerëzit ishin të ashpër me mua dhe u përpoqën të thoshin që unë nuk kam një trup për pasarela.Kishte ende stilistë ose dizajnerë në atë kohë që po më merrnin në shfaqjet e tyre, por duke më vendosur diçka që me të vërtetë më mbulonte trupin”, ka thënë ajo më tej duke kujtuar kohën kur refuzohej nga shtëpitë e modës.

Megjithatë, koha vërtetoi të kundërtën pasi Gigi Hadid më pas krijoi një karrierë të suksesshme në modeling. /Telegrafi/