Detajet e para të shkatërrimit të urës që lidhte Krimenë me Rusinë

Një rezervuar karburanti mori flakë herët të shtunën në urën e Krimesë, njoftoi agjencia shtetërore ruse e lajmeve RIA, ndërsa mediat ukrainase raportuan shpërthimin dhe pamjet e publikuara në Twitter treguan se një tren ishte djegur.

Trafiku u pezullua në urën rrugore dhe hekurudhore, e hapur në vitin 2018 për të lidhur Krimenë me rrjetin e transportit rus.

Reuters duke cituar mediat ukrainase pretendon se shpërthimi ndodhi rreth orës 06:00 dhe pamjet e publikuara në rrjetet sociale treguan një numër të madh vagonash karburanti në flakë në pjesën hekurudhore të urës, ndërsa pjesa rrugore e urës ishte dëmtuar rëndë.

“Një rezervuar karburanti në një nga seksionet e urës së Krimesë është djegur. Harqet nuk janë dëmtuar”, raportoi RIA, duke cituar një zyrtar provincial, por nuk specifikoi shkakun.

The Crimean Bridge has been hit, either by a missile or a sabotage attack. Strikes at the heart of Vladimir Putin’s prestige. He went to war to take Kyiv only to find that he can’t even protect Crimea. He’ll be looking for some way to respond. pic.twitter.com/3j9kvksp5O

— Andrew Roth (@Andrew__Roth) October 8, 2022

Reuters nuk mundi të konfirmonte në mënyrë të pavarur këto raporte dhe pamje.

Presidenti rus, Vladimir Putin hapi urën e Krimesë në vitin 2018 pasi Rusia aneksoi Krimenë në vitin 2014, e cila më parë administrohej nga Ukraina.

Në shtator, Rusia njoftoi aneksimin e provincave Donetsk, Luhansk, Kherson dhe Zaporizhzhia pas mbajtjes së referendumeve, të cilat Kievi dhe Perëndimi i konsiderojnë të paligjshme dhe të mbajtura nën kërcënim. /Telegrafi/