Dëshiron të pensionohet në moshën 41-vjeçare, Ronaldo: Dua të qëndrojë te Reali, Messi është lojtar i madh

Cristiano Ronaldo ka folur për mediat kineze pasi ka fituar titullin e lojtarit më të mirë ndërkombëtar.

Ai mes tjerash ka theksuar se do të qëndrojë në Madrid, pasi që i pëlqen qyteti dhe tifozët e klubit të Realit.

Portugezi është i lidhur me një kalim të mundshëm gjatë afatit kalimtar të verës te Manchester United, por që përmes kësaj interviste ka konfirmuar besnikërinë ndaj Los Blancos.

“Sigurisht, më pëlqen të jetoj këtu, kam jetuar në këtë qytet që nga viti 2009 dhe e dua motin dhe njerëzit. Është afër Portugalisë dhe mund të shkosh me veturë. Spanja është një vend i mrekullueshëm, e dua, natyrisht, dua të rri këtu, e dua këtë klub dhe tifozët”.

“Ky vit do të jetë i vështirë, por nuk do të heqim dorë. Real Madridi kurrë nuk do të heqë dorë, por do të jetë shumë, shumë, shumë e vështirë”.

“Të jem i sinqertë, kurrë nuk kam menduar se mund të fitoj një top të artë ose dy. Kështu që nëse nuk mund ta fitoj Topin e Artë në të ardhmen, do të vazhdoj të ndihem shumë, shumë, shumë krenar me veten time. Ambicia ime është që të fitoj trofe me klubin dhe personalisht, por nuk do të jem i obsesionuar pas Topave të Artë. Është mirë që kam ndarë këtë çmim me Messin në vitet e fundit, është mirë të jesh në gjendje ta ndani këtë nder me një lojtar të madh”.

“Kam në plan që të dalë në pension në moshën 41-vjeçare, por ndoshta është e vështirë për tu arritur”, tha Ronaldo.

Ky i fundit ka fituar pesë herë Topin e Artë, po aq sa ka edhe argjentinasi i Barcelonës, Lionel Messi.

Këtë sezon Reali po kalon nëpër një krizë t ë thellë, ku pos eliminimit prej Copa del Rey, është pas liderit të ligës elitare spanjolle me 19 pikë. /Telegrafi/