Lajme Maqedonia e Veriut Politikë

Deponia Drislla i kundërpërgjigjet Lëvizjes Besa

LSh

Përmes një kumtese dërguar Telegrafit Maqedoni deponia Driska ka reaguar ndaj kritikave të adresuara te kjo deponi nga ana dekës së Studeniçanit e partisë Lëvizja Besa.

”Lidhur me spekulimet të cilat i kanë kumtuar dega e Lëvizjes Besa në Studeniçan, ku thuhej se deponoja Drislla është një bombë ekologjike për qytetarët e Karshiakës, duke dyshuar se gjatë vitit 2016 në Maqedoni kanë hyrë së paku 1.140 kontejnerë, secili me nga 22 tonelata plehra helmuese. Përveç kësaj është publikuar një e pavërtetë se në bazë të Marrëveshjes për partneritet publiko-privat me kompaninë italiane FCL AMBIENTE, është planifikuar të sillen në Maqedoni sasi shumëfish më të mëdha plehrash nga 15 kg mbeturina helmuese për kokë banori në Maqedoni”, thonë nga deponia Drislla.

Mes tjerash, në kumtesën e kësaj deponie thuhet se ”në lidhje me atë që e potencuam më lartë, do të donim të Ju njoftojmë se deponia Drislla, nuk ka e as që ka pasur ndonjëherë marrëveshje për transportimin e çfarëdo lloj mbeturinash dhe prej vitit 1994 deri më sot, nuk ka transportuar as edhe një gram mbeturina, as të rrezikshme e as të parrezikshme. Në deponinë Drislla digjen mbeturinat mjekësore, infektuese dhe të ngjashme, si dhe ilaçe me afat të skaduar, shumica e të cilave mblidhen prej territorit të Qytetit të Shkupit dhe një pjesë shumë e vogël nga territori i Republikës së Maqedonisë. Sasia e mbeturinave të rrezikshme mjekësore, infektuese dhe të ngjashme që digjen, gjatë vitit 2015 ishte 995 (nëntëqindenëntëdhjetepesë) tonelata ose të jemi më të qartë, gjatë 24 orëve digjen 2,7 tonelata (dy tonelata e shtatëqind kilogram), ose që ta keni edhe më të qartë, për 1 orë digjen vetëm 110 (njëqindedhjetë) kilogram. Për çdo kilogram të djegur të mbeturinave ka dokumente përkatëse të cilat i kontrollon Inspektorati Shtetëror për Ekologji, si dhe institucionet e tjera përkatëse shtetërore, prej të cilave deri më tani nuk kemi pasur as edhe një vërejtje. Në pajtueshmëri me rregulloret e Maqedonisë bëhet edhe matja e ndotjes së ajrit nga ana e laboratorëve të akredituar dhe mund të themi se grimcat 10 PM në deponinë Drislla nuk e kanë tejkaluar kufirin e caktuar prej 50 mikronëve në m3, ndërsa këtë raport e keni edhe në ueb portalin tonë.

Deponia Drislla gjithnjë ka qenë e hapur për të gjithë e sidomos për mediat, prandaj do të kishte qenë mirë që para se të publikoni çfarëdo informacioni, sidomos nëse bëhet fjalë për spekulim, së pari ta vërtetoni se sa është i saktë informacioni.

Kërkojmë nga JU që kjo kumtesë t’i prezantohet opinionit të Maqedonisë, me qëllim që mos të ketë panik për diçka që nuk përmban asnjë të vërtetë, e sidomos pasi që bëhet fjalë për informacion që ka të bëjë me shkeljen e ligjeve të R. Maqedonisë, ndotjen e mjedisit jetësor dhe rrezikimin e shëndetit të qytetarëve të këtij vendi.”/Telegrafi/