Coronavirusi në Itali, numri i të vdekurve arrin në 148 – qeveria nis planin prej 7.5 miliardë eurosh për ta luftuar atë

Numri i të vdekurve në Itali vazhdon të rritet për shkak të përhapjes së coronavirusit. Këtë të enjte, autoritetet e Mbrojtjes Civile raportuan 41 vdekje të reja në 24 orët e fundit, kështu që shifra totale arriti në 148.

Numri i personave të infektuar arriti në 3,296 me një rritje prej 25%, ndërsa personat që janë shëruar janë 414, tha Angelo Borrelli, zyrtar i qeverisë italiane. Italia mbetet vendi i tretë më i prekur pas Kinës dhe Koresë së Jugut, transmeton Telegrafi.

Shumica e çështjeve pozitive janë regjistruar në rajonin e Lombardisë, që ndodhen në veri të vendit, me 1.777, dhe gjithashtu është rajoni me më së shumti të vdekur,  me 98 gjithsej.

Nga 41 vdekjet e raportuara në 24 orët e fundit, 25 kanë ndodhur në Lombardi dhe 8 në Emilia Romagna, rajoni i dytë më i prekur në vend, gjithashtu në veri.

Nga ana e saj, Qeveria njoftoi këtë të enjte një plan shpëtimi ekonomik prej 7,5 miliardë euro (8.4 miliardë dollarë) për t’u përballuar me coronavirusin.

Paketa stimuluese do të përdoret kryesisht për “rritjen e burimeve për shërbimet shëndetësore, mbrojtjen civile dhe zbatimin e ligjit”, tha Ministri Italian i Financave, Roberto Gualtieri.

Ndërsa shpërthimi vazhdon të përhapet në dhjetëra vende, Organizata Botërore e Shëndetit (OBSH) hodhi të enjten një “listë të gjatë të vendeve” që nuk kanë bërë sa duhet për të frenuar përparimin e epidemisë. /Telegrafi/