Capital T me rekord të ri në ‘The Top List’

Capital T vazhdon të befasojë me projektet e reja. Pa kaluar ende një muaj nga publikimi i projektit të fundit muzikor, reperi ka nxjerrë në treg një tjetër bashkëpunim.

“Across the World” mban titullin kënga më e re e Capital T, e cila është një bashkëpunim me dy artistë të huaj, Cliqme dhe Koach2.0.

Me një tekst shqip-anglisht, kjo këngë ka rrëmbyer menjëherë zemrat e publikut, duke u futur në listë që në javën e parë të publikimit.

Me futjen e kësaj këngë në “The Top List”, e cila është e 10-ta, Trim Ademi ka thyer rekordin si artisti që ka më shumë këngë në listën e 100 këngëve më të bukura të muzikës moderne shqiptare – njofton Top Channel. Në fakt, më parë ky rekord mbahej nga vetë ai.

Capital T është pjesë e listës me plotë 10 projekte muzikore, ku tetë këngë janë bashkëpunime dhe dy janë solo.

Lexo po ashtu Të gjitha lajmet për Capital T

Kapo ka pasur një sërë projektesh që me javë të tëra kanë qëndruar në listë duke u pozicionuar në vendet më të mira.

“Pasha jetën”, “Andiamo”, “Hatixhe”, “Pse po ma lun lojën”, “Lejla”, “Pa Cenzure”, “Gucci”, “Ulu”, “Numra” dhe “Across the World” renditen përkatësisht në vendet tetë, 17-të, 28-të, 31-të, 33-të, 47-të, 68-të, 76-të, 81-të dhe 100-të.