Bytyqi: Gjatë fundjavës do të dihet nëse do të marrim huazim të ri

Gjatë fundjavës do të mund të përgjigjemi nëse nevojitet huazim i ri apo jo. Niveli i borxhit nuk është problem në vend, por problemi nga e kaluara ishte nëse dhe ku do të shkojnë ato fonde, tha sot zv. kryeministri për Çështjet Ekonomike, Fatmir Bytyqi, përcjell Telegrafi Maqedoni.

“Nëse ata shkojnë për të mbështetur ekonominë, qytetarët dhe vendet e punës, unë mendoj se është e ligjshme të huazojmë aq sa është e nevojshme në këtë moment sepse vetëm atëherë së bashku ne do ta kapërcejmë këtë moment dhe do të hyjmë në vitin 2021 shumë më të sigurt dhe më të përgatitur për t’u marrë me çdo sfidë e re”, tha Bytyqi duke u përgjigjur në pyetjet pasi nënshkroi marrëveshje të ndihmës shtetërore me kompaninë “VIK Maqedoni”.

Ai përsëriti se ata janë tashmë në fazën e fundit të përgatitjes së grupit të katërt të masave për të ndihmuar qytetarët dhe ekonominë për t’u marrë me pasojat e krizës nga coronavirusi.

Ai premtoi mbështetje për të gjithë ata që kanë nevojë për të, qofshin ata biznesmenë ose qytetarë, ose për një mënyrë tjetër të ndihmës që do të bëjë më të lehtë tranzicionin dhe përballimin e krizës ekonomike për shkak të pandemisë me Covid-19./Telegrafi/