Britaniku shikojë në telefon teksa po i grabitej shtëpia – policisë i tregoi se çfarë kërkuan hajnat

Një familje nga qyteti britanik Rochdale po kthehej nga një udhëtim, kur babai vendosi të aktivizonte aplikacionin për të kontrolluar kamerat e sigurisë dhe për të parë se çfarë po ndodhte në shtëpi.

Për habinë e tij, ai pa figura të maskuara që bredhin nëpër shtëpinë e familjes duke kërkuar gjësende me vlerë!

Në fillim, njeriu i tronditur mendoi se po e shikonte grabitjen në kohë reale, dhe vetëm më vonë e kuptoi se ishte një video, raporton themirror.

“Ishte e tmerrshme, po flas sinqerisht. Të shikosh të huajt që gërmojnë nëpër shtëpinë tënde, duke hapur sirtarët”, tha burri i paidentifikuar.

Kur familja arriti në shtëpi, policia u përfshi në hetime, pasi u thirrën nga një fqinj.

“Gjithçka u hodh poshtë, sirtarët e dollapët u thyen. I hapën të gjitha dyert, i zbrazën të gjitha kutitë”, tha burri.

Anëtarët e familjes nga Rochdale besojnë se shkelësit e dinin se kishin udhëtuar, që do të thotë se i ndoqën dhe e kuptuan se çfarë po ndodhte.

“Kjo është një tronditje e madhe. Ndjenja e sigurisë që keni në shtëpinë tuaj është zhdukur. Tani kontrollojmë vazhdimisht dritaret dhe dyert dhe zhurma më e vogël na zgjon”.

Në fund u konstatua se hajdutët kanë marrë nga shtëpia vetëm dy kamera vëzhgimi.

“Besoj se po kërkonin çelësat e veturës, por nuk i gjetën. Së fundmi kemi blerë një BMW”, tha britanikja. /Telegrafi/