Birra Peja cilësohet lartë në mesin e gjigantëve botërorë

Website-i i mirënjohur, MatsBeer, në Suedi, ka bërë një vlerësim të shijes së birrave të ndryshme botërore, ku Birra Peja u cilësua si njëra prej më cilësoreve dhe më të veçantave.

“Birra Peja është e vetmja fabrikë e birrës e Kosovës dhe ka përafërsisht 80% të tregut në Kosovë. Fabrika e birrës është themeluar në vitin 1968 dhe filloi te prodhonte birrë në vitin 1971. Kanë një objekt supermodern ku prodhohet birra dhe uji. Uji vjen nga burimet natyrore afër fabrikës se birrës, e të cilat janë shumë të njohur për ujin e pastër, dhe të shëndetshëm. Kjo është arsyeja për një birrë në “TOP KLASË NDËRKOMBËTARE” – pra uji i burimit me të cilin Birra Peja prodhohet është arsyeja kryesore për këtë vlerësim ndërkombëtar qe Birra Peja mori.

Në mesin e birrave që u cilësuan, nuk arritën të marrin më shumë yje as birrat e famshme botërore si Löwenbrau, Krombacher dhe San Miguel, e as ato rajonale, si Mythos nga Greqia, Efes nga Turqia dhe Lasko nga Sllovenia. E poasht birrat sikurse Heineken, Tuborg, Skopsko nuk ishin fare ne vlerësimin e kësaj web faqe të mirënjohur botërore.

Birra Peja e vetmja u vlerësua me 4 yje nga 5 të mundshme, më shumë se secila birrë tjetër në garë, pos të vetmes birrë që mori 5 sosh, e që ishte Pilsner Urquell nga Republika Çeke.

Birra Peja vazhdon të mbajë traditën, duke e ruajtur shijen më të veçantë edhe cilësinë më të lartë, për t’i bërë konkurrencë edhe gjigantëve botërorë, madje duke i mundur ata.

Për më shumë, vizitoni webfaqen www.matsbeer.n.nu/veckansol.