Biden pranon se komenti i “futjes në nishan” të Trumpit ishte gabim

Presidenti amerikan Joe Biden ka deklaruar se ishte gabim për të që tha se është “koha për ta vënë Trumpin në nishan”, disa ditë përpara atentatit të së shtunës ndaj rivalit të tij në zgjedhjet presidenciale.

Vërejtjet e Biden erdhën në intervistën e tij të parë që nga incidenti, në të cilit ai mbrojti retorikën e tij kundër Trumpit dhe tregoi arsyet pse ishte e rëndësishme, transmeton Telegrafi.

Ai i tha Lester Holtit të NBC-së, se fushata e tij kishte për qëllim të tregonte qartë kërcënimin e mandatit të dytë të Trumpit, duke shtuar se fjalët e tij nuk ishin ato që duheshin zbutur.

Biden pranoi se donte të thoshte që demokratët duhet të përqendroheshin më shumë te Trumpi, politikat e tij dhe deklaratat e rreme që ai i bëri gjatë debatit presidencial në fund të muajit të kaluar.

Gjatë intervistës, Biden e bëri të qartë se nuk do të tërhiqet nga gara presidenciale – pavarësisht thirrjeve nga anëtarët e partisë së tij pas performancës së tij të dobët në debat.

“Jam i vjetër”, tha ai, derisa theksoi gjithashtu se është vetëm tre vjet më i vjetër se Trump. Gjithashtu pranoi se “kthjelltësia” e tij mendore është e mirë dhe renditi arritjet e tij si president.

“E kuptoj pse njerëzit thonë, zot është 81-vjeç. Çfarë do të bëhet kur të jetë 83, 84 vjeç? Është një pyetje legjitime për t’u parashtruar”, shtoi Biden.

Ai tha se beson të votuesit që e mbështetën në masë dërrmuese në zgjedhjet paraprake demokrate. /Telegrafi/