Beyonce u pagua mbi 30 milionë euro në performancën njëorëshe në Dubai

Për mysafirët që paguajnë 260 mijë euro në natë për një suitë, me siguri vetëm ylli më i madh i muzikës është zgjidhja e tyre e duhur.

Dhe Beyonce ishte me të vërtetë ylli kryesor në festën e lançimit të mbrëmshëm të atij që cilësohet si hoteli më luksoz në botë.

Këngëtarja e “Crazy In Love” sipas raportimeve u pagua mbi 30 milionë euro për shfaqjen e saj një orëshe – në performancën e parë pas katër vitesh në Atlantis The Royal në Dubai.

Mysafirët e hotelit shijojnë furça dhëmbësh prej ari, krehër dhe brisqe me ar – një ‘menu’ me shtatë jastëkë, kujdestarë personalë dhe mundësinë për të medituar me delfinët.

Lexo po ashtu Beyonce mban koncert privat në hapjen e një resorti luksoz në Dubai, u ndaluan telefonat dhe pajisjet e regjistrimit

Dyqani i tij shet artin Picasso dhe ka 17 restorante dhe bare që përfshijnë tetë kuzhinierë të famshëm, duke përfshirë barin debutues të Heston Blumenthal, Resonance, ku të ftuarit mund të admirojnë një akuarium 21 metra të lartë që përmban katër mijë kandil deti.

Dhoma më e lirë është 1655 euro në natë.

Të famshëm që ishin të përfshirë në eventin madhështor ishin: Kendall Jenner, Rebel Wilson, Liam Payne, Mark Wright dhe Michelle Keegan si dhe bashkëshortin e Beyonce, Jay-Z dhe fëmijët e tyre.

Suita ku ka qëndruar Beyonce dhe familja e saj kushton 130 mijë euro në natë. I vendosur mbi 11,000 metra katrorë dhe 22 kate lart, ka katër dhoma të mëdha, një kinema dhe pishinën e vet.

Beyonce ka performuar disa nga hitet e mëdha si: “Naughty Girl”, “Halo”, “Spirit” dhe “Freedom”. /Telegrafi/