Bebe Rexha më pak aktive në rrjetet sociale për shkak të shëndetit të saj mendor

Artistja shqiptare me renome ndërkombëtare, Bebe Rexha, kohëve të fundit ka qenë shumë më pak aktive në rrjetet sociale.

E krejt kjo duket se ka një bazë, për vet faktin se këngëtarja vuan nga problemet me shëndetin mental.

Ajo ka pranuar se vuan nga ankthi dhe çrregullimi bipolar, me çka i shkaktojnë ndryshime të tepërta në disponim.

Po të shohësh me vëmendje, videoja e fundit që ajo ka publikuar në rrjetin social Instagram, ka mbi 10 ditë që është publikuar.

Njëlloj ka ndodhur edhe me postimet e saj në Twitter dhe Facebook, të cilat duket të jenë dukshëm më të rralla.

“Në vështrim të parë, jam e sigurt se duket si një tjetër fotografi glamuroze e Bebe, por tani shëndeti mendor është shumë më keq. Është jashtëzakonisht e vështirë t’i mbaj emocionet e mia të qëndrueshme dhe të mos panikohem 24/7. Jam thjesht e mërzitur dhe ndihem e vetmuar”, është shprehur Bebe Rexha në një nga postimet paraprake të kësaj gjendjeje në Twitter.

Sido që të jetë, ajo u ka bërë të ditur fansave se është duke punuar shumë që të sjell këngë të reja, të cilat janë gati dhe do t’u realizohen vetëm klipet. /Telegrafi/