BDI-ja prezentoi programin e vet ekonomik për zgjedhjet e dhjetorit

Një delegacion i BDI-së, i përbërë nga ministrat e disa ministrive, sot në Shkup para studentëve, të rinjëve e të rejave shqiptare promovuan programin ekonomik të Bashkimit Demokratik pët Integrim, përcjell Telegrafi Maqedoni.

Para të rinjëve në fjalimin e tij, ministri i ekonomisë, Driton Kuçi, paraqiti atë që deri më tani e ka bërë BDI-ja që nga themelimi i saj në vitin 2002, themelim ky siç thuhet, i një partie pasardhëse e luftës për barazi të vitit 2001.

Ministri i Arsimit dhe Shkencës, Pishtar Lutfiu, tha se të rinjtë tani më kanë universitetin e tretë në gjuhën shqipe, atë Nënë Tereza në Shkup, i cili është projekt i cili e lehtëson jetën e studentëve shqiptarë në kryeqendër.

Në këtë takim u prezentuan elemntet kryesore të platformës së BDI-së për zgjedhjet e dhjetorit siç janë: vende pune për së paku një anëtar në familje shqiptare në sektorin publik, ngritja e karrierës së shqiptarëve në organet shtetërore, pagat dhe pozicionet në administratë, shtim i investimeve të huaja në Maqedoni, objektivi në arsim – tre universitete në shqip, mes 500 universiteteve më të mira në botë./Telegrafi/