Bastiset shtëpia e Marina Ovsianikovas, sërish arrestohet gazetarja ruse që protestoi kundër luftës në Ukrainë

Gazetarja ruse, Marina Ovsyannikova, e cila tërhoqi vëmendjen e publikut botëror kur shfaqi një pankartë kundër luftës në Ukrainë në një program live, sërish është arrestuar.

Shërbimet ruse të sigurisë bastisën shtëpinë e gazetares, ku në atë moment ndodhej vajza e saj e mitur.

“Në orën 06:00 më hynë në shtëpinë time 10 policë të Komitetit Hetimor dhe të policisë. Ata lëshuan një urdhër kërkimi. Vajza ime e vogël është e frikësuar. Tani po më dërgojnë në SC. Arsyeja e çështjes penale është gjoja protesta ime në Kremlin”, ka shkruar ajo në Twitter.

В 6.00 утра ко мне в дом вломились 10 сотрудников из СК и полиции. Предъявили ордер на обыск. Напугали маленькую дочь. Сейчас меня везут в СК. Поводом для уголовного дела якобы о фейках стал мой протест у Кремля. Свыше 350 детей, погибших в Украине, разве это фейки?

— Marina Ovsyannikova (@newslady19) August 10, 2022

Sipas Dmitry Zakhvatov, një avokat që ndihmon Ovsyannikova, forcat ruse të sigurisë goditën derën e shtëpisë së saj pa pritur që të mbërrinte përfaqësuesi i saj ligjor. Zakhvatov tha se Ovsyannikova.

Zakhvatov tha se autoritetet ruse kishin hapur procedime penale mbi akuzat për përhapjen e informacionit të rremë për forcat e armatosura të vendit, sipas një ligji të ri të miratuar nga Kremlini pas luftës. Ajo tani përballet me një dënim maksimal prej 15 vitesh burg.

Ovsyannikova tërhoqi vëmendjen ndërkombëtare në mars, kur hyri në një transmetim televiziv shtetëror rus me një pankartë kundër luftës në Ukrainë. Më pas ajo u ndalua dhe pagoi një gjobë prej 30,000 rubla (rreth 250 euro në atë kohë).

Pas gjobës, Ovsyannikova u largua nga Rusia dhe u punësua në gazetën gjermane “Die Welt”. Më pas ajo u kthye në Rusi, ku po lufton për kujdestarinë e vajzës së saj. /Telegrafi/