Barcelona vjen në Kosovë

Penya Kosovar del FC Barcelona njofton të gjithë të interesuarit se nga 21-25 maj 2016 është paraparë të mbahet kampi i futbollit i quajtur edhe zyrtarisht FCBEscola Soccer Camp Kosova 2016 për grupmoshat U8, U10, U12, U14 dhe U16.

Është hera e parë që mbahet një kamp i tillë në Kosovë ku fëmijët tanë do të kenë mundësinë që të aplikojnë metodat e klubit më të suksesshëm në botë, me pjesëmarrje të drejtpërdrejtë nga trajnerët e akademisë së Barcelonës. Ejani dhe mësoni sekretet nga rutinat stërvitore të praktikuara nga Messi, Neymar, Iniesta, Pique, Bartra, Sergi Roberto, Jordi Alba dhe shumë të tjerë.

Do ta përjetoni një përvojë të paharruar, duke parë dhe praktikuar për së afërmi metodat e punës që zbatohen në sistemet e grupmoshave të FC Barcelonës, ku prioritet kryesor është edukimi dhe mësimi duke u bazuar në vlerat e mirëfillta të akademisë së mirënjohur të FC Barcelonës. Siç u tha më lartë, kampi do të udhëhiqet nga trajnerët e shkollës së futbollit të klubit më të madh në botë, e quajtur FCBEscola, dhe trajnerët katalanas do të asistohen nga trajnerët vendorë.

Duhet theksuar se e gjithë kjo është mundësuar me iniciativën dhe angazhimin e madh të klubit të fansave të FC Barcelona për Kosovë i quajtur Penya Kosovar del FC Barcelona.

Pasi që numri i pjesëmarrësve në këtë kamp është i kufizuar, në maksimum 250 fëmijë, Penya Kosovar në bashkëpunim me FCEscola ka filluar fazën e para-regjistrimit me qëllim që të kemi një mbarëvajtje sa më të mirë të këtij kampi. Kampi është paraparë të mbahet në fushat e KF KEK-ut në Kastriot. Pjesëmarrja në kamp do të jetë me pagesë, ndërsa për shumën dhe mënyrën e pagesës do të informoheni pas fazës së para-regjistrimit. Në fund, do të përzgjedhen lojtarët më të mirë të kampit, të cilët do të kenë mundësi që vitin e ardhshëm të qëndrojnë një javë në hapësirat e FCBEscola në Barcelonë