Banorët në pjesët e kontrolluara nga Rusia të Kharkivit iu sugjerohet të evakuohen për në Rusi

Banorët në pjesët e kontrolluara nga Rusia të rajonit të Kharkiv janë këshilluar të evakuohen në Rusi, sipas agjencisë shtetërore të lajmeve Tass.

Administratori i instaluar nga Rusia i zonës, Vitaly Ganchec raportohet se tha se kjo do të “shpëtonte jetë”.

Kjo vjen pasi ministria ruse e mbrojtjes tha se po tërhiqte trupat nga dy qytetet kyçe në rajon derisa trupat ukrainase bëjnë avancime të shpejta.

Qytetet, Izium dhe Balakliya, janë qendra të rëndësishme të furnizimit ushtarak.

Vyacheslav Gladkov, guvernatori i rajonit fqinj të Belgorodit të Rusisë, tha në aplikacionin e mesazheve Telegram se ushqimi, ngrohja dhe ndihma mjekësore po u ofroheshin njerëzve që ishin në radhë për të hyrë në Rusi me automjete në vendkalimin kufitar Logachevka.

Andrey Turchak, një zyrtar i lartë në partinë pro-Kremlin, Rusia e Bashkuar, tha se një trupë vullnetarësh ishin vendosur për të ndihmuar ata që po largoheshin nga Ukraina për në Rusi dhe raportoi më shumë se 400 automjete në kufi. /Telegrafi/