Babë e bir zjarrfikës, ukrainasi 52-vjeç humb jetën në sulmin rus – i riu nuk mund të ndalë lotët

Një nga ekipet e para të zjarrfikësve që iu përgjigjen thirrjes për fikjen e zjarrit të shkaktuar nga sulmet me dron të ushtrisë ruse në qytetin ukrainas Kharkiv, ishte ai i Vladyslav Loginov i cili humbi jetën në krye të detyrës.

Kamioni në të cilin gjendej 52-vjeçari u godit nga një dron i ushtrisë së Vladimir Putinit, sulm ky që ishte fatal për të, transmeton Telegrafi.

Megjithatë jo larg vendit të ngjarjes ishte edhe i biri i tij Volodymyr, që gjithashtu punon si zjarrfikës dhe nuk ishte në dijeni se viktimë e sulmit rus ishte pikërisht babai i tij.

Ministri i Brendshëm i Ukrainës ka shpërndarë pamjet e të birit të të ndjerit, i cili qëndron i gjunjëzuar në tokë duke vajtuar pasi mëson se babai i tij ishte vrarë në sulmet ruse.

“Vladyslav Loginov, 52, kishte një jetë plot përkushtim ndaj punës dhe departamentit të zjarrfikësve para se të vritej”, ka shkruar ministri i Brendshëm, Ihor Klymenko.

E Volodymyr kishte vendosur të shkoj hapave të babait të tij – duke u bërë drejtor i stacionit të zjarrfikësve.

Ata të dy ishin në terren në Kharkiv në verilindje të Ukrainës, kur kishte ndodhur sulmi. Ata ishin pak metra larg njëri-tjetrit kur ndodhi sulmi me dronë. /Telegrafi/